cbn

Kathalo RajaKumari

Our Story in 1 Minute

ధోనీ నిర్ణయం ఇదేనా?

• విండీస్ టూర్‌కు ధోనీ దూరం? 

ముంబై: టీమిండియా మేటి క్రికెటర్ ఎంఎస్ ధోనీ త్వరలో రిటైర్మెంట్ ప్రకటించబోతున్నాడన్న వార్తలు మీడియాలో హల్‌‌చల్ చేస్తున్నాయి. వరల్డ్ కప్ టోర్నీతో ధోనీ క్రికెట్‌కు గుడ్‌బై చెప్పనున్నట్లు ప్రచారం కూడా జరిగింది. అయితే.. ఈ విషయంపై ధోనీ ఇప్పటివరకూ ఎలాంటి స్పష్టత ఇవ్వలేదు. అయితే.. ఆగస్ట్‌లో టీమిండియా వెస్టీండీస్ టూర్‌కు వెళ్లనుంది. ఈ మ్యాచ్‌లకు ఎంఎస్ ధోనీ గైర్హాజరవుతున్నట్లు బీసీసీఐ వర్గాల సమాచారం. వికెట్ కీపర్‌గా ధోనీ స్థానంలో పంత్‌ను తీసుకోవాలని భావిస్తున్నట్లు తెలిసింది.

దినేష్ కార్తీక్ పంత్ కంటే సీనియర్ అయినప్పటికీ ఫిట్‌నెస్ సమస్య అతనిని బాధిస్తున్నందున పంత్ అయితేనే మేలని బీసీసీఐ భావిస్తున్నట్లు సమాచారం. అయితే.. ఎంఎస్ ధోనీ లాంటి మార్గదర్శకుడు జట్టుకు దూరం కావడం అనారోగ్యకర పరిణామామని బీసీసీఐ వర్గాలు పేర్కొన్నాయి. విండీస్ టూర్‌కు వెళ్లబోయే జట్టును ఈ నెల 19 లేదా 20న ప్రకటించే అవకాశముంది.

ఐసీసీకి అమితాబ్‌ పంచ్‌

• బౌండరీ రూల్‌పై వ్యంగ్య ట్వీట్‌

న్యూఢిల్లీ: వరల్డ్‌కప్‌ ఫైనల్‌ ఎంత ఉత్కంఠ భరితంగా జరిగిందో.. విజేతను ప్రకటించిన విధానం కూడా అంతే వివాదాస్పదమైంది. మ్యాచ్‌ టైగా ముగిస్తే.. ఎక్కువ బౌండరీలు కొట్టిన ఇంగ్లండ్‌ను విజేతగా నిర్ధారించారు. ఇలా టెక్నికల్‌గా మోర్గాన్‌ సేనను విజేతగా ప్రకటించడంపై ఇప్పటికే అనేకమంది మాజీ క్రికెటర్లతోపాటు అభిమానులు తీవ్ర అసంతృప్తి వ్యక్తం చేశారు. 

తాజాగా బిగ్‌ బి అమితాబ్‌ బచ్చన్‌ తనదైన హాస్యచతురతను మేళవించిన ట్వీట్‌తో చురకలు అంటించారు. ‘ఇద్దరి వద్ద సమంగా రెండు వేల రూపాయలు ఉంటే... ఎవరు శ్రీమంతుడు అని నిర్ణయించాల్సి వస్తే? ఐసీసీ ప్రకారం.. ఒక 2 వేల నోటు ఉన్న వాడికంటే నాలుగు రూ. 500 నోట్లు ఉన్న వాడే శ్రీమంతుడు’ అమితాబ్‌ వ్యంగ్యాత్మక ట్వీట్‌ చేశారు. వరల్డ్‌కప్‌ ట్రోఫీ దక్కించుకునేందుకు న్యూజిలాండ్‌కు అర్హత ఉన్నా.. వారు ఉత్త చేతులతో మిగిలారని అమితాబ్‌ ఇలా సునిశిత విమర్శలు చేశారు.

Karthika Deepam full video- - Deepa Confronts Mounitha

mouna ragam Serial Today Episode Full Video on 16th july 2019 || mouna ragam Latest Episode

విరాట్‌-రోహిత్‌ విభేదాలపై విచారణ ?

• వన్డే జట్టు కెప్టెన్సీలో మార్పు !

ముంబై: కెప్టెన్‌ కోహ్లీ, వైస్‌కెప్టెన్‌ రోహిత్‌ శర్మల మధ్య తీవ్ర విభేదాలున్నాయని వస్తున్న వార్తలపై బీసీసీఐ విచారణ జరపనున్నట్టు తెలుస్తోంది. వరల్డ్‌కప్‌ సెమీఫైనల్లో న్యూజిలాండ్‌ చేతిలో టీమిండియా 18 పరుగులతో ఓడిన మరుక్షణం నుంచి ఈ వార్తలు చక్కర్లు కొడుతున్నాయి. 

దీనిపై విచారణ చేపట్టనున్న బోర్డు..ప్రపంచకప్‌ సెమీస్‌ ఓటమి దరిమిలా జట్టులో తీవ్ర మార్పులు చేయనున్నట్టు సమాచారం. 2023 ప్రపంచకప్‌ లక్ష్యంగా టీమ్‌లో చోటుచేసుకొనే మార్పుల్లో భాగంగా .వన్డే కెప్టెన్‌గా రోహిత్‌ శర్మను నియమించనున్నట్టు తెలుస్తోంది. కోహ్లీని టెస్ట్‌ సారథిగా కొనసాగించనున్నట్టు బోర్డులోని విశ్వసనీయ వర్గాలు చెబుతున్నాయి. పరాజయం నుంచి వెంటనే గుణపాఠాలు నేర్చుకొని తదుపరి ప్రధాన పోటీలకు సన్నద్ధం కావడం మంచి జట్టు చేసే పనిగా బోర్డు అధికారి ఒకరు వ్యాఖ్యానించడం గమనార్హం.

కోహ్లీకి దక్కని చోటు

• ఐసీసీ వరల్డ్‌కప్‌ లెవెన్‌

ఇంటర్నేషనల్‌ క్రికెట్‌ కౌన్సిల్‌ (ఐసీసీ) సోమవారం ప్రకటించిన వరల్డ్‌కప్‌ లెవెన్‌లో నెంబర్‌ వన్‌ బ్యాట్స్‌మన్‌ విరాట్‌ కోహ్లీకి చోటు కల్పించ లేదు. ప్రపంచక్‌పలో అత్యధిక పరుగులు చేసిన రోహిత్‌ శర్మ, పేసర్‌ బుమ్రాకు మాత్రమే భారత్‌ నుంచి స్థానం లభించింది. చాంపియన్‌ ఇంగ్లండ్‌ నుంచి నలుగురికి, రన్నరప్‌ న్యూజిలాండ్‌ నుంచి ఇద్దరికి చోటు దక్కింది.

 

వరల్డ్‌కప్‌ లెవెన్‌: జాసన్‌ రాయ్‌, రోహిత్‌ శర్మ, కేన్‌ విలియమ్సన్‌ (కెప్టెన్‌), జో రూట్‌, షకీబల్‌ హసన్‌, బెన్‌ స్టోక్స్‌ , అలెక్స్‌ క్యారీ (కీపర్‌), మిచెల్‌ స్టార్క్‌, జోఫ్రా ఆర్చర్‌, లూకి ఫెర్గూసన్‌, జస్‌ప్రీత్‌ బుమ్రా.

కోచ్‌ అన్వేషణలో బీసీసీఐ

• త్వరలో ప్రకటన

న్యూఢిల్లీ: టీమిండియా హెడ్‌ కోచ్‌, సహాయ సిబ్బంది కోసం దరఖాస్తులు కోరుతూ బీసీసీఐ త్వరలో ఓ ప్రకటన విడుదల చేయనుంది. వచ్చే నెలలో జరిగే వెస్టిండీస్‌ టూర్‌తో కోచ్‌గా రవిశాస్త్రి కాంట్రాక్ట్‌ ముగియనుంది. ఒకవేళ శాస్త్రి కోచ్‌గా కొనసాగాలనుకుంటే మళ్లీ దరఖాస్తు చేయాల్సిందే. వాస్తవంగా వరల్డ్‌క్‌పతో రవి కాంట్రాక్ట్‌ ముగిసింది. 

కానీ, విండీస్‌ టూర్‌ను దృష్టిలో ఉంచుకొని శాస్త్రితోపాటు బౌలింగ్‌ కోచ్‌ భరత్‌ అరుణ్‌, బ్యాటింగ్‌ కోచ్‌ సంజయ్‌ బంగర్‌, ఫీల్డింగ్‌ కోచ్‌ శ్రీధర్‌ల కాంట్రాక్ట్‌ను మరో 45 రోజులు పొడిగించారు. వరల్డ్‌కప్‌ వైఫల్యం నేపథ్యంలో ఫిజియో ప్యాట్రిక్‌ ఫర్హాత్‌, ట్రైనర్‌ శంకర్‌ బసు తప్పుకొన్నారు. సెప్టెంబరు 15 నుంచి స్వదేశంలో దక్షిణాఫ్రికాతో భారత్‌ తలపడనుంది. ఆలోపే కోచ్‌ను ఎంపికచేయాలని బీసీసీఐ నిర్ణయించింది. కోచ్‌లతోపాటు టీమ్‌ మేనేజర్‌ పోస్టుకు కూడా దరఖాస్తులు ఆహ్వానించనున్నట్టు బీసీసీఐ అధికారి ఒకరు తెలిపారు. అనిల్‌ కుంబ్లే తర్వాత 2017లో టీమిండియా కోచ్‌గా రవిశాస్త్రి నియమితుడయ్యాడు. అతడి హయాంలో ఆస్ట్రేలియాలో టెస్ట్‌ సిరీస్‌ మినహా భారత్‌ ఎటువంటి మేజర్‌ టోర్నీలు గెలవలేదు.

karthika deepam

విలియమ్సన్‌కు జీవితాంతం క్షమాపణలు చెప్తూనే ఉంటా: స్టోక్స్

లండన్: బంతి బంతికీ ఉద్వేగం! నరాలు తెగే ఉత్కంఠ! ఇంగ్లండ్‌ చేతిలోకి వచ్చిన మ్యాచ్‌.. అంతలోనే న్యూజిలాండ్‌ వశం! న్యూజిలాండ్‌కు అనుకూలంగా మారిన మ్యాచ్‌.. అంతలోనే ఇంగ్లండ్‌ పరం! బాల్‌ బాల్‌కూ అనిశ్చితి! నువ్వా నేనా అన్నట్లు సమ ఉజ్జీలుగా నిలిచిన ఇంగ్లండ్‌, న్యూజిలాండ్‌! సూపర్‌ ఓవర్‌ కూడా సూపరో సూపర్‌ అనిపించింది! ఎన్నాళ్లకెన్నాళ్లకు! 45 ఏళ్ల ఇంగ్లండ్‌ సుదీర్ఘ నిరీక్షణకు తెరపడింది! నాలుగున్నర దశాబ్దాల వరల్డ్‌కప్‌ చరిత్రలో మూడుసార్లు ఫైనల్‌కు చేరినా ఎన్నడూ ట్రోఫీని ముద్దాడని ఇంగ్లండ్‌ జట్టు ఆశ, ఆ దేశ అభిమాని ఆకాంక్ష తీరిపోయింది. కానీ గెలుపు సంతోషంలో కూడా కివీస్ కెప్టెన్ విలియమ్సన్‌కు స్టాక్స్ క్షమాపణలు చెప్పాడు.

   

   12 బంతుల్లో 24 పరుగులు రావాల్సిన దశలో కివీస్‌ అద్భుతంగా పుంజుకుంది. నీషమ్‌ వేసిన 49వ ఓవర్‌లో తొలి రెండు బంతులకు సింగిల్స్‌ తీయగా మూడో బంతికి ప్లంకెట్‌ (10) వికెట్‌ కోల్పోయింది. అయితే ఆ తర్వాతి బంతిని స్టోక్స్‌ సిక్సర్‌గా మలచడంతో జోష్‌ పెరిగింది. కానీ ఆరో బంతికి ఆర్చర్‌ (0)ను కూడా అవుట్‌ చేయడంతో సమీకరణం చివరి ఆరు బంతుల్లో 15 పరుగులకు మారింది. ఆఖరి ఓవర్‌లో రెండు బంతుల్లో పరుగులేమీ రాకపోగా మూడో బంతికి స్టోక్స్‌ సిక్సర్‌గా మలిచాడు. అయితే నాలుగో బంతికి రెండో పరుగు తీసే క్రమంలో స్టోక్స్‌ బ్యాట్‌ను తాకిన బంతి ఓవర్‌త్రోతో బౌండరీకి తరలింది. దీంతో మొత్తం ఆరు పరుగులు వచ్చాయి. ఆ బంతి అలా స్టోక్స్‌ బ్యాటుకు తాకకపోయి ఉంటే... ఫలితం మరోలా ఉండేదేమో, కప్పు న్యూజిలాండ్‌ను వరించేదేమో అనే ఆలోచన అందరిలోనూ ఇప్పుడు మెదులుతోంది.

 

   మ్యాచ్ అనంతరం ఇదే విషయంపై స్టోక్స్ కూడా స్పందించాడు. న్యూజిలాండ్‌ కెప్టెన్‌ కేన్‌ విలియమ్సన్‌కు తాను జీవితాంతం క్షమాపణలు చెప్తూనే ఉంటాను అని స్టోక్స్ అన్నాడు . ఇది తాను కావాలని చేసింది కాదని.. బాల్‌ అలా అనుకోకుండా తన బ్యాట్‌ను తాకిందన్నాడు. ఇందులో తను కావాలని ఎలాంటి తప్పు చేయలేదన్నాడు. అయితే అదే తమ గెలుపులో కీలకంగా మారిందన్నాడు. ఇందుకు కేన్‌కు క్షమాపణలు చెప్తున్నాను అన్నాడు. అయితే ఈ గెలుపు కోసమే తమ జట్టు నాలుగేళ్లుగా ఎంతో కష్టపడిందని స్టోక్స్ తెలిపాడు. ఇలాంటి మ్యాచ్‌ క్రికెట్‌ చరిత్రలో మరోటి ఉంటుందని తాను భావించడం లేదని స్టోక్స్ అన్నాడు.

సూపర్‌ ఫైనల్

ఉత్కంఠ పోరులో విశ్వవిజేతగా ఇంగ్లండ్‌

మ్యాచ్‌ నువ్వానేనా అన్నట్లుగా సాగి..

ఇరుజట్ల స్కోర్లు సమమై..మ్యాచ్‌ టై అయి..

సూపర్‌ ఓవర్‌ దాకా సాగిపోయి..

ఆ సూపర్‌ ఓవర్లోనూ స్కోర్లు సమమై టై కావడం..

అది కూడా ప్రపంచకప్‌ ఫైనల్లో!!

ఇలా జరుగుతుందని ఎవరైనా ఊహించామా?

అదే అద్భుతం జరిగింది!

ఇంగ్లండ్‌, న్యూజిలాండ్‌ సహా ప్రపంచ క్రికెట్‌ అభిమానులనే మునివేళ్లమీద నిలబెడుతూ.. టై మీద టైకి దారితీసి 2019 వరల్డ్‌కప్‌ ఫైనల్‌ మ్యాచ్‌ వరల్డ్‌కప్‌ చరిత్రలోనే హైలైట్‌గా నిలిచింది!!

ఆ ఉత్కంఠభరిత మ్యాచ్‌లో బౌండరీల ఆధారంగా ఇంగ్లండ్‌ ప్రపంచ కప్‌ గెలిచింది.

• మ్యాచ్‌ టై.. సూపర్‌ ఓవర్‌ కూడా టై
• బౌండరీల ఆధారంగా విజేత నిర్ణయం
• క్రికెట్‌ పుట్టింటికి తొలిసారిగా ట్రోఫీ
• కివీస్‌కు వరుసగా రెండోసారీ నిరాశే
• ఆతిథ్యమిచ్చిన దేశానికే మూడోసారి కప్‌

సూపర్‌ ఓవర్‌ సాగిందిలా!

ఇంగ్లండ్‌ బ్యాటింగ్‌

క్రీజులో స్టోక్స్‌.. మరో ఎండ్‌లో బట్లర్‌ బంతి బౌల్ట్‌ చేతుల్లో..

•  తొలి బంతి: స్టోక్స్‌ షార్ట్‌ థర్డ్‌ మ్యాన్‌ దిశగా కొట్టాడు. మూడు రన్స్‌
•  రెండో బంతి: బట్లర్‌.. డీప్‌ స్క్వేర్‌ లెగ్‌ దిశగా ఆడాడు. సింగిల్‌ వచ్చింది.
•  మూడో బంతి: స్టోక్స్‌ డీప్‌ మిడ్‌ వికెట్‌ మీదుగా బౌండరీ బాదాడు.
•  నాలుగో బంతి: ఫుల్‌టాస్‌ను కవర్‌ దిశగా స్టోక్స్‌ కొట్టాడు. ఒక్క రన్‌
•  ఐదో బంతి: బట్లర్‌ డీప్‌ ఎక్స్‌ట్రా కవర్‌ మీదుగా కొట్టాడు. 2 రన్స్‌
•  ఆరో బంతి: మరోఫుల్‌టాస్‌. బట్లర్‌.. డీప్‌ మిడ్‌ వికెట్‌ మీదుగా మరో ఫోర్‌

ఇంగ్లండ్‌ స్కోరు 15

కివీస్‌ ఛేజింగ్‌.. లక్ష్యం 16

క్రీజులో నీషమ్‌.. మరో ఎండ్‌లో గప్టిల్‌ ఆర్చర్‌ చేతుల్లో బంతి

•  తొలిబంతి: వైడ్‌.
•  తొలిబంతి: రెండు పరుగులొచ్చాయి.
•  రెండోబంతి: నీషమ్‌ సిక్సర్‌
•  మూడోబంతి: రెండు పరుగులు వచ్చాయి.
•  నాలుగోబంతి: మళ్లీ రెండు పరుగులే.
•  ఐదో బంతి: ఒక్క పరుగే.
•  చివరి బంతి: విజయానికి కావాల్సిన పరుగులు రెండు. ఒక్క పరుగే వచ్చింది. రెండో పరుగు తీస్తూ గప్టిల్‌ రనౌట్‌. న్యూజిలాండ్‌ స్కోరు కూడా 15 రన్స్‌

ఫలితం.. సూపర్‌ ఓవర్‌ కూడా టై బౌండరీల ఆధారంగా విజేత ఇంగ్లండ్‌

బంతి బంతికీ ఉద్వేగం! నరాలు తెగే ఉత్కంఠ! ఇంగ్లండ్‌ చేతిలోకి వచ్చిన మ్యాచ్‌.. అంతలోనే న్యూజిలాండ్‌ వశం! న్యూజిలాండ్‌కు అనుకూలంగా మారిన మ్యాచ్‌.. అంతలోనే ఇంగ్లండ్‌ పరం! బాల్‌ బాల్‌కూ అనిశ్చితి! నువ్వా నేనా అన్నట్లు సమ ఉజ్జీలుగా నిలిచిన ఇంగ్లండ్‌, న్యూజిలాండ్‌! సూపర్‌ ఓవర్‌ కూడా సూపరో సూపర్‌ అనిపించింది! ఎన్నాళ్లకెన్నాళ్లకు! 45 ఏళ్ల ఇంగ్లండ్‌ సుదీర్ఘ నిరీక్షణకు తెరపడింది! ఆ జట్టు చిరకాల స్వప్నం నెరవేరింది! నాలుగున్నర దశాబ్దాల వరల్డ్‌కప్‌ చరిత్రలో మూడుసార్లు ఫైనల్‌కు చేరినా ఎన్నడూ ట్రోఫీని ముద్దాడని ఇంగ్లండ్‌ జట్టు ఆశ, ఆ దేశ అభిమాని ఆకాంక్ష తీరిపోయింది. ఇంగ్లండ్‌ జట్టు విశ్వవిజేతగా నిలిచింది. వన్డే ప్రపంచ కప్‌ క్రికెట్‌ పుట్టింటికి చేరింది. తొలిసారి ప్రపంచ కప్‌ను ముద్దాడాలని భావించిన న్యూజిలాండ్‌కు మరోసారి నిరాశే మిగిలింది. వరుసగా రెండోసారి రన్నర్‌పగా సరిపెట్టుకోవాల్సి వచ్చింది.

 

విజయానికి చేరువై ఓడిపోవడంతో ఆ దేశ అభిమానుల గుండె పగిలింది. ఇంగ్లండ్‌ విజయానికి ఆఖరు 3 బంతుల్లో 9 పరుగులు అవసరమైన స్థితిలో గప్టిల్‌ ఓవర్‌ త్రో.. ఫలితంగా 2 పరుగులు రావాల్సిన చోట ఆరు పరుగులు రావడం ఆ జట్టు ఆవకాశలను దెబ్బతీసింది. వరల్డ్‌ కప్‌ ఫైనల్లో ఈసారీ వన్‌సైడ్‌ మ్యాచ్‌ తప్పదేమో! 242 పరుగుల లక్ష్యమే కదా? ఇంగ్లండ్‌ ముందు అదో లెక్కా? ఊదిపారేయదూ! న్యూజిలాండ్‌కు టైటిల్‌కు ‘అడుగు’ దూరంలో మరోసారి నిరాశ తప్పదేమో!! అర్ధ భాగానికి ఇవే అంచనాలు! ఇంగ్లండ్‌ బ్యాటింగ్‌ ఛేజింగ్‌ మొదలై.. ఒక్కో ఓవర్‌ సాగుతుండగా అప్పుడు మొదలైంది అసలు మజా. ఏకపక్షం అనుకున్న మ్యాచ్‌.. ఏకబిగిన టెన్షనెత్తించింది! విక్టరీ రేసులో ముందున్నట్లుగా కనిపించిన ఇంగ్లండ్‌ తడబడింది. బౌలర్లు ఎంతటి వారైనా తమ బ్యాటింగ్‌తో దడదడలాడించే జాసన్‌ రాయ్‌, జో రూట్‌, మోర్గాన్‌ ఈసారి తుస్సుమన్నారు. 86 పరుగులకే 4 వికెట్లు కోల్పోవడంతో మ్యాచ్‌పై కివీస్‌ ఆధిపత్యం మొదలైంది. ఇంగ్లండ్‌కు పిసరంత అనుకున్న లక్ష్యమే మ్యాచ్‌ సాగుతున్నకొద్దీ కొండంతై కూర్చుంది. బ్యాటింగ్‌లో తడబడిన న్యూజిలాండ్‌ బౌలింగ్‌లో మాత్రం తడాఖా చూపింది. అప్పటిదాకా ‘ఇదేం మ్యాచ్‌’ అని పెదవి విరిచినోళ్లే ‘ఇదే మ్యాచ్‌’ అన్న ఆసక్తితో టీవీలకు అతుక్కుపోయారు! 40వ ఓవర్‌ నుంచైతే ఎవరిది విజయం? ఎవరిది పరాజయం? అన్న ఉత్కంఠ మరింత పెరిగింది. విజయం ఇరు జట్ల మధ్య దోబూచులాడింది. 45వ ఓవర్‌ నుంచి ఈ హీట్‌ శిఖర స్థాయికి చేరింది! ఆఖరు 30 బంతుల్లో 46 పరుగులుగా ఉన్న ఇంగ్లండ్‌ టార్గెట్‌.. న్యూజిలాండ్‌ బౌలర్లు నీషమ్‌, బౌల్ట్‌ కట్టుదిట్టమైన బంతులతో ఆఖరు ఓవర్‌ వచ్చేసరికి ఆరు బంతుల్లో 15 పరుగులుగా మారింది!! అప్పటికి ఇంగ్లండ్‌ స్కోరు 8 వికెట్ల నష్టానికి 227 పరుగులు! విజయం ఇంగ్లండ్‌దా? న్యూజిలాండ్‌దా? 2019 వరల్డ్‌కప్‌ విజేత ఎవరు?

 

ఈ ఉత్కంఠను శిఖరాగ్రానికి చేరుస్తూ ఫైనల్‌ ఓవర్‌ మొదలైంది. ఇంగ్లండ్‌ అభిమానుల ఆశలన్నీ మోస్తూ 70 పరుగులతో మొండిగా పోరాడుతున్న బెన్‌ స్టోక్స్‌! కివీస్‌ అభిమానుల ఆశలన్నీ మీదేసుకొని బంతి చేతుల్లోకి తీసుకున్నాడు స్పీడ్‌ గన్‌ బౌల్ట్‌! తొలి రెండు బంతులకు పరుగులేమీ రాలేదు. ఇంగ్లండ్‌ లక్ష్యం 4 బంతుల్లో 15 పరుగులు. ఫైనల్‌ అనే త్రాసు కివీస్‌ వైపు మొగ్గింది. మూడో బంతిని స్టోక్స్‌ లాగిపెట్టి సిక్స్‌ కొట్టాడు. ఇంగ్లండ్‌ లక్ష్యం 3 బంతుల్లో 9 పరుగులుగా మారింది. అప్పటికీ కివీ్‌సదే ఆధిపత్యం. నాలుగో బంతికి స్టోక్స్‌ 2 పరుగులు తీయడం.. ఫీల్డర్‌ గప్టిల్‌ వేసిన త్రో స్టోక్స్‌కు తగిలి బౌండరీ లైన్‌ దాటడంతో మొత్తంగా 6 పరుగులొచ్చాయి. ఫైనల్‌ మ్యాచ్‌కు ఇదే టర్నింగ్‌ పాయింట్‌. చివరి 2 బంతుల్లో 3 పరుగులు చేయాల్సిన దశలో ఇంగ్లండ్‌ విజయానికి చేరువైంది. పక్కాగా ఇంగ్లండే గెలుస్తుందని అందరూ ఫిక్సయ్యారు కూడా! ఐదో బంతికి రెండో పరుగు తీసే యత్నంలో నాన్‌స్ట్రయికింగ్‌ ఎండ్‌లో ఉన్న రషీద్‌ రనౌట్‌ అయ్యాడు. చివరి బంతికి 2 పరుగులు కావాలి. బౌల్ట్‌ వేసిన ఫుల్‌ టాస్‌ను లాంగ్‌ ఆన్‌ దిశగా ఆడాడు స్టోక్స్‌. వెంటనే ఈ వైపు నుంచి స్టోక్స్‌.. నాన్‌స్ట్రయికింగ్‌ ఎండ్‌ నుంచి వూడ్‌ పరుగులు పెట్టారు. ఒక పరుగే పూర్తయింది. రెండో పరుగు పూర్తయ్యేంతలో వూడ్‌ రనౌట్‌ అయ్యాడు!! 241 పరుగులతో ఇరు జట్ల స్కోర్లు సమం అయ్యాయి. మ్యాచ్‌ టై!!

ధోనీ రనౌట్‌పై స్పందించిన మార్టిన్ గుప్తిల్

లండన్: ప్రపంచకప్ తొలి సెమీఫైనల్‌లో టీమిండియా ఓటమి భారత క్రీడాభిమానులకు తీవ్ర నిరాశను మిగిల్చింది. ఆ మ్యాచ్‌లో ధోనీని న్యూజిలాండ్ ఆటగాడు మార్టిన్ గుప్తిల్ రనౌట్ చేయడం.. ఆ తర్వాత మ్యాచ్ పూర్తిగా చేజారిపోవడం అంతా చకచకా జరిగిపోయాయి. అయితే ఆ రనౌట్‌పై చర్చోపచర్చలు ఇంకా సాగుతున్నాయి. ధోనీ అవుట్ అవ్వకుండా ఉంటే మ్యాచ్ మరోలా ఉండేదని ఒకరంటే.. అసలా బంతిని నోబాల్‌గా ప్రకటించాల్సిందని మరొకరు ఇలా వాదనలు నడుస్తున్నాయి.

 

ఇదంతా ఇలా ఉంటే ధోనీని అవుట్ చేసిన గుప్తిల్ స్పందన మాత్రం ఆసక్తికరంగా ఉంది. ధోనీని డైరెక్ట్ హిట్‌గా రనౌట్ చేయడాన్ని తన అదృష్టంగా భావిస్తున్నట్టు గుప్తిల్ తెలిపాడు. దీనికి సంబంధించిన వీడియో ఒకదాన్ని ఐసీసీ తన ట్విట్టర్‌లో పోస్ట్ చేసింది. వర్షం కారణంగా మంగళవారం నాటి మ్యాచ్ 46.1 ఓవర్ల దగ్గర నిలిచిపోయిన విషయం తెలిసిందే. మళ్లీ బుధవారం ప్రారంభమైన మ్యాచ్‌లో.. టీమిండియా 18 పరుగుల తేడాతో ఓడిపోయింది.

టికెట్లు దొరక్క.. ఇంగ్లండ్‌లోనే టీం ఇండియా పడిగాపులు..

మాంచస్టర్: ఐసీసీ ప్రపంచకప్‌ను ముద్దాడాలనే టీం ఇండియా కోరిక చెదిరిపోయిన విషయం తెలిసిందే. విరాట్ కోహ్లీ సారథ్యంలో టోర్నమెంట్ బరిలోకి దిగిన భారత్.. సెమీస్‌లో న్యూజిలాండ్ చేతిలో స్వల్ప తేడాతో ఓటమిపాలై టోర్నీ నుంచి వైదొలిగింది. అయితే సెమీస్ ఓటమి తర్వాత టీం ఇండియా మరో చిక్కులో పడింది. భారత జట్టు ఫైనల్స్‌కు చేరుతుందనే ధీమాతో జట్టు యాజమాన్యం ఫైనల్స్‌ వరకూ ఇండియాకు టికెట్లు బుక్ చేయలేదు. దీంతో ఆటగాళ్లు 14వ తేదీ వరకూ ఇంగ్లండ్‌లోనే ఉండాల్సిన పరిస్థితి ఏర్పడింది.

 

అయితే ఆగస్టు 3వ తేదీ నుంచి భారత జట్టు వెస్టిండీస్‌లో పర్యటించనుంది. కానీ, భారత ఆటగాళ్లు ఇండియాకు చేరుకొని విశ్రాంతి తీసుకోవడం మాత్రం కాస్త ఆలస్యం అయ్యేలా కనిపిస్తోంది. ‘‘చాలా మంది ఆటగాళ్లు 14 జూలై వరకూ మాంచస్టర్‌లోనే ఉండి.. ఆ తర్వాత అక్కడి నుంచి బయలేదేరుతారు. టోర్నీ ముగిసిన తర్వాత టికెట్లు బుకింగ్ అయ్యాయి’’ అని ఓ బీసీసీఐ అధికారి వెల్లడించారు.

భారీ ఆఫర్ ప్రకటించిన అమెజాన్ .. 50 శాతం క్యాష్‌బ్యాక్

న్యూఢిల్లీ: అమెజాన్ ఇండియా తమ కస్టమర్లను ఆకట్టుకునేందుకు సరికొత్త ఆఫర్ ప్రకటించింది.



 భారతదేశంలో అమెజాన్ ప్రైమ్ సబ్‌స్క్రిప్షన్‌ను సగం ధరకే ఇస్తున్నట్లు కంపెనీ పేర్కొంది. 18 నుంచి 24 సంవత్సరాల వయస్సు గల వారికి వార్షిక ప్రైమ్ మెంబర్‌షిప్‌ను రూ. 999కే అందిస్తున్నట్లు అమెజాన్ తెలిపింది. మెంబర్‌షిప్‌ తీసుకున్న వినియోగదారులకు రూ. 500 క్యాష్‌బ్యాక్ ఇవ్వనున్నట్లు కంపెనీ తెలిపింది. ప్రైమ్ డే సేల్ కార్యక్రమంలో భాగంగా ఈ ఆఫర్ ప్రకటించింది. మెంబర్‌షిప్‌ తీసుకున్న కస్టమర్లకు జూలై 15 నుంచి 16 వరకు జరిగే ప్రైమ్ డే సే కార్యక్రమంలో పాల్గొనే అవకాశం కల్పించారు. వెబ్‌సైట్ అమెజాన్. ఇన్ ద్వారా మెంబర్‌షిప్‌ తీసుకొవచ్చు.

బోరు నీళ్ల మందం దించేస్తుంది

• నీళ్లలో టీడీఎస్‌ స్థాయులు తగ్గించే పరికరం
• ధర 3,500కే.. రూపకర్త నిర్మల్‌వాసి
• మార్కెట్‌లోనైతే రూ.75వేల వరకు ధరలు

నిర్మల్‌ అగ్రికల్చర్‌, జూలై 11: తలకు చారెడు నిండుగా షాంపూ పూసుకున్నా నురగరాదు. బట్టలకూ అంతే. డిటర్జంట్‌ను ఎంతగా రుద్దినా మురికి వదలదు. చాలామందికి వాడే నీటితో ఇదో సమస్య! దీనికి మనకు అందుబాటు ధరల్లో ఓ చక్కని పరిష్కారం ఏదైనా లభిస్తే? నిర్మల్‌ యువకుడు నల్ల శ్రీనివాస్‌ రెడ్డి ఆ దిశగా ప్రయత్నించి ఓ పరికరాన్ని తయారు చేశాడు. నిర్మల్‌ గాజులపేట్‌కు చెందిన శ్రీనివాస్‌ రెడ్డి పది వరకే చదివాడు. ఎలాంటి టెక్నికల్‌ కోర్సులూ చదువలేదు. ఎక్కడా శిక్షణ తీసుకోలేదు. నిర్మల్‌ జిల్లాలో చాలాప్రాంతాల్లో భూగర్భ జలాల్లో నీటి మందం (టీడీఎస్‌- టోటల్‌ డిజాల్వ్‌డ్‌ సాలిడ్స్‌) స్థాయి పెరిగిపోతోంది. ఈ నీటి వాడకం కారణంగా పెద్దగా ఆరోగ్య సమస్యలేమీ తలెత్తకున్నా. వాటర్‌ ట్యాంకుల్లో తెల్లని పొర ఏర్పడి త్వరగా పాడైపోవడం.. ట్యాంకులకు బిగించిన నల్లాలు త్వరగా పాడైపోవడం..

 

తల స్నానం చేసినప్పుడు వెంట్రుకలు ఊడిపోవడం.. దంతాలు పసుపు పచ్చ రంగులోకి మారడం వంటి సమస్యలు వస్తాయి. నీళ్లలో టీడీఎస్‌ లెవల్స్‌ తగ్గించేందుకు మార్కెట్లో పరికరాలు దొరుకుతున్నాయి. అయితే వాటి ఖరీదు ఎక్కువ. నాణ్యతను బట్టి రూ.25 వేల నుంచి రూ.75 వేల దాకా వెచ్చించాల్సి ఉంటుంది. స్థోమత లేక చాలా మంది ఈ పరికరాలు కొనేందుకు జంకుతున్నారు. ఈ పరికరాన్ని కొన్న శ్రీనివాస్‌ రెడ్డి దాన్ని లోతుగా పరిశీలించాడు. దానికి ప్రత్యామ్నాయంగా రూ. 3500 వ్యయంతో మరో పరికరాన్ని తయారు చేశాడు. నిర్మల్‌లో ఇప్పుడు చాలా మంది శ్రీనివాస్‌ రెడ్డితో ఈ పరికరాలను తయారు చేయించుకొని ట్యాంకులకు అమర్చుకుంటున్నారు.

 

బాల్స్‌ కోయంబత్తూరు నుంచి..

కొందరు వేలకు వేలు వెచ్చిస్తూ నీటి మందాన్ని తగ్గించే పరికరాన్ని కొంటున్నారు. అంతంత ధరను సామాన్య ప్రజలు భరించలేరు. అదే తరహా పరికరాన్ని రూ. 3500 ఖర్చుతో తయారు చేసి చాలా మందికి ఇచ్చాను. అందులో బిగించిన బాల్స్‌ కోయంబత్తూరు నుంచి తెప్పించాను. ప్రస్తుతం ఆ పరికరం నీటి మందాన్ని తగ్గించి ఫలితాలను ఇస్తోంది.

ఇక.. మిడిలార్డర్‌ ప్రక్షాళనే!

లండన్‌: వరల్డ్‌కప్‌ వైఫల్యం నేపథ్యంలో టీమిండియా మిడిలార్డర్‌ను ప్రక్షాళన చేసే అవకాశాలు కనిపిస్తున్నాయి. వచ్చే ఏడాది ఆస్ట్రేలియాలో జరగనున్న టీ20 ప్రపంచకప్‌ సన్నాహకాల్లో భాగంగా.. వన్డే మెగాటోర్నీలో అట్టర్‌ ఫ్లాపయిన కేదార్‌ జాదవ్‌, దినేష్‌ కార్తీక్‌కు ఇక టీమ్‌లో చోటు కష్టమే. ధోనీ కెప్టెన్సీ చేపట్టినప్పటి నుంచి వన్డే వరల్డ్‌కప్‌ కోసం టీమిండియా రెండే ళ్లు, టీ20 ప్రపంచకప్‌ కోసం 18 నెలలు ముందుగానే సిద్ధమవుతూ వస్తోంది. ప్రస్తుత వరల్డ్‌క్‌పలో భారత మిడిలార్డర్‌ వైఫల్యం టీమిండియా అతిపెద్ద బలహీనతగా కనిపించింది. కేదార్‌, దినే్‌ష ఒత్తిడిని ఏమాత్రం అధిగమించలేకపోయారు. నాకౌట్‌ మ్యాచ్‌లో రోహిత్‌, కోహ్లీ, రాహుల్‌ విఫలం కావడం నిజంగా దురదృష్టమే. 2017 చాంపియన్స్‌ ట్రోఫీ ఫైనల్లో పాకిస్థాన్‌ చేతిలో ఓటమి తర్వాత ఇద్దరు మణికట్టు స్పిన్నర్లు యజ్వేంద్ర చాహల్‌, కుల్దీప్‌ యాదవ్‌లే మ్యాచ్‌ విన్నర్లనే ఫిలాసఫీతోనే కోచ్‌ రవిశాస్త్రి, కోహ్లీ వ్యవహరించారు. 






వారిద్దరూ కేంద్రంగానే జట్టును తయారు చేశారు. ద్వైపాక్షిక సిరీ్‌సలో ఈ సూత్రం అద్భుత ఫలితాలను ఇచ్చినా.. వరల్డ్‌క్‌పకు వచ్చేసరికి స్పిన్‌ ద్వయం ఆశించిన మేరకు రాణించలేకపోయింది. మరోవైపు ప్లాన్‌-బి లేకపోవడం టీమిండియాను తీవ్రంగా దెబ్బతీసింది. టాపార్డర్‌లో రోహిత్‌, కోహ్లీ శతకాలతో అదరగొడుతున్న వరకూ ఎటువంటి ఇబ్బందీ ఎదురుకావడంలేదు. ఏడో నెంబర్‌లో హార్దిక్‌ పాండ్యా ధనాధన్‌ ఆటవల్ల ధోనీ సామర్థ్యం తగ్గినా ఎలాగోలా నడిచి పోయింది. ఇక మనీష్‌ పాండే, శ్రేయాస్‌ అయ్యర్‌కు తగిన అవకాశాలు కల్పించకుండానే వరల్డ్‌కప్‌ జట్టు ప్రణాళిక నుంచి తప్పించారు. భవిష్యత్‌ ఆశాకిరణంగా భావిస్తున్న శుభ్‌మన్‌ గిల్‌ను న్యూజిలాండ్‌ సిరీస్‌లో ఒక్క మ్యాచ్‌లోనే అవకాశం కల్పించి ఆ తర్వాత పక్కనబెట్టారు. కానీ, కార్తీక్‌, జాదవ్‌ లాంటి వారికి వరల్డ్‌కప్‌ ఓ గుణపాఠం. ఈ ఏడాది ఇంగ్లండ్‌పై పిచ్‌లపై దినేష్‌ కార్తీక్‌ ఒక్క మ్యాచ్‌ కూడా ఆడలేదు. మరోవైపు భారీ షాట్‌లు కొట్టలేని జాదవ్‌పై భారత్‌ ఎంతో నమ్మకం ఉంచడం పెద్ద లోపం. ధోనీ రాణించాలంటే ఆవలి ఎండ్‌లో జడేజా, పాండ్యా లాంటి వారు అవసరం. ధాటిగా ఆడగలిగిన వారి స్థానాల్లో కేదార్‌, కార్తీక్‌ను ఎంపిక చేసి టీమిండియా మేనేజ్‌మెంట్‌ పెద్ద తప్పే చేసింది. కెప్టెన్‌ అవసరాలకు తగిన జట్టును సెలెక్టర్లు ఎంపిక చేయగలరనే భరోసా కూడా ఇవ్వలేక పోయారు. వచ్చే ఏడాది టీ20 వరల్డ్‌కప్‌ నేపథ్యంలో జట్టులో భారీ మార్పులు చేయనున్నట్టు కోహ్లీ ముందుగానే సంకేతాలిచ్చాడు. వన్డే, టీ20 వరల్డ్‌క్‌పలను దృష్టిలో ఉంచుకొని 20 మంది సభ్యుల కోర్‌ టీమ్‌ కోసం అన్వేషణ జరగడం ఖాయమే..!

వన్డే చరిత్రలోనే తొలిసారి...

మాంచెస్టర్‌: న్యూజిలాండ్‌ పేసర్ల ధాటికి ప్రపంచకప్‌ తొలి సెమీ్‌సలో బ్యాట్లెత్తేసిన భారత టాపార్డర్‌ వన్డే చరిత్రలోనే ఓ చెత్త రికార్డును నెలకొల్పింది. 

రోహిత్‌, రాహుల్‌, కోహ్లీ వరుసగా ఒక్కో పరుగు చేసి పెవిలియన్‌కు చేరిన విషయం తెలిసిందే. ఇలా ఓ జట్టు టాప్‌-3 ఆటగాళ్లు సింగిల్‌ పరుగు చొప్పున చేసి అవుట్‌ కావడం వన్డేల్లో ఇదే తొలిసారి. ఇంతకుముందెన్నడూ ఏ జట్టు నుంచి కూడా ఇలాంటి ‘ఫీట్‌’ రాకపోవడం గమనార్హం.

విరాట్‌పై వాన్‌ వ్యంగ్య పోస్ట్‌

మాంచెస్టర్‌: ఇప్పటిదాకా ప్రపంచక్‌పలో కోహ్లీసేన హాట్‌ ఫేవరెట్‌ అంటూ పొగిడిన వాళ్లు.. సెమీస్‌లో ఓటమితో విమర్శల బాణాలు ఎక్కుపెడుతున్నారు. ప్రధానంగా భారత్‌పై ఎప్పుడూ నోరు పారేసుకునే ఇంగ్లండ్‌ మాజీ కెప్టెన్‌ మైకేల్‌ వాన్‌.. కెప్టెన్‌ కోహ్లీని టార్గెట్‌ చేస్తూ ఓ అభ్యంతరకర చిత్రాన్ని పోస్ట్‌ చేశాడు. 



టోర్నీ ఆరంభానికి ముందు కోహ్లీని ప్రశంసిస్తూ ఐసీసీ.. తలపై కిరీటం, చేతిలో గదను ధరించి సింహాసనం మీద కూర్చున్న విరాట్‌ ఫొటోను పోస్ట్‌ చేసిన సంగతి గుర్తుందిగా! ఇప్పుడు అదే చిత్రాన్ని తనకు అవకాశంగా మార్చుకున్నాడు వాన్‌. ఐసీసీ పోస్ట్‌ చేసిన ఆ చిత్రపటాన్ని మార్ఫింగ్‌ చేసి.. విరాట్‌కు ఓ చేతిలో బంతిని, మరో చేతిలో బోర్డింగ్‌ పాస్‌ను పెట్టాడు. ఈ చిత్రాన్ని ట్విటర్‌లో పోస్ట్‌ చేసిన మైకేల్‌.. ఇక ఇంటికెళ్లు అన్న రీతిలో ఎద్దేవా చేస్తూ.. ఆ ఫొటో కింద టికెట్‌ ప్లీజ్‌ అన్న కామెంట్‌ను పోస్ట్‌ చేశాడు. దీంతో వాన్‌పై నెటిజన్లు మండిపడుతున్నారు.

అసెంబ్లీలో అధికారపక్షం తీరు సరిగా లేదు: చంద్రబాబు

విజయవాడ: అసెంబ్లీలో అధికారపక్షం తీరు సరిగా లేదని ప్రతిపక్ష నేత చంద్రబాబు దుయ్యబట్టారు. సీఎం జగన్‌ అసత్యాలతో తమకు సవాల్‌ విసురుతున్నారని, సభలో చాలా దుర్మార్గంగా వ్యవహరిస్తున్నారని మండిపడ్డారు. 


వ్యక్తిగతంగా అవమానించేలా మాట్లాడుతున్నారని, ఓ మంత్రి దొబ్బేశారు అనే పదం వాడారని విమర్శించారు. 2014-15లో సున్నా వడ్డీ పథకానికి రూ.230 కోట్లు కేటాయించామని, 2016-17లో రూ.175 కోట్లు, 2017-18 రూ.175 కోట్లు, 2018-19లో రూ.175 కోట్లు కేటాయించామని తెలిపారు. రైతులకు సున్నా వడ్డీ పథకం మాజీ సీఎం కిరణ్‌కుమార్‌రెడ్డి హయాంలో తీసుకొచ్చారని చంద్రబాబు గుర్తుచేశారు.

పార్లమెంట్ ఆవరణలో ఫుట్‌బాల్ ఆడిన ఎంపీ.. ఎందుకంటే..

న్యూఢిల్లీ: పార్లమెంట్ ఆవరణలో ఓ ఎంపీ ఫుట్‌బాల్ ఆడి అక్కడ ఉన్నవారందరినీ ఆశ్చర్యానికి గురిచేశారు. బడ్జెట్ సమావేశాలకు హాజరైన తృణమూల్ కాంగ్రెస్ ఎంపీ ప్రసన్ బెనర్జీ పార్లమెంట్ ఆవరణలో కొద్దిసేపు ఫుట్‌బాల్ ఆడారు. ఈ విషయంలో ఆయనను మీడియా ప్రశ్నించగా.. మన దేశంలో ఫుట్‌బాల్ ఆటను ప్రోత్సహించేందుకే తాను పార్లమెంట్ ఆవరణలో ఆడానని వివరించారు.

 

ఈ విషయంలో త్వరలో ప్రధాని నరేంద్రమోదీ, క్రీడాశాఖ మంత్రిని కూడా కలుస్తానన్నారు. అంతేకాకుండా భవిష్యత్తులో ఇండియా ఫుట్‌బాల్ జట్టు అంతర్జాతీయ స్థాయిలో రాణిస్తుందని ఆయన ఆశాభావం వ్యక్తం చేశారు. కాగా.. హౌరా లోక్‌సభ స్థానానికి ప్రాతినిధ్యం వహిస్తున్న ప్రసన్ బెనర్జీ.. గతంలో భారత ఫుట్‌బాల్ జట్టుకు కెప్టెన్‌గా సేవలందించారు.

మహీని ముందు పంపాల్సింది..

మాంచెస్టర్‌: వరుసగా వికెట్లు పడుతున్న వేళ ధోనీని బ్యాటింగ్‌ ఆర్డర్‌లో ముందు పంపకపోవడం ఘోర తప్పిదమని మాజీ కెప్టెన్‌ సౌరవ్‌ గంగూలీ అన్నాడు. కేవలం 5 పరుగుల స్కోరు వద్ద మూడు వికెట్లు కోల్పోయి పీకల్లోతు కష్టాల్లో ఉన్నప్పుడు ధోనీని పంపకపోవడమేమిటని ప్రశ్నించాడు. వన్డేల్లో 50 సగటుతో 10వేల పరుగులు చేసిన మహీ... డ్రెస్సింగ్‌ రూమ్‌లో వేచి చూడాల్సి రావడం ఏ మాత్రం ఆమోదయోగ్యం కాదన్నాడు.

ఎంఎస్ ధోనీ అవుట్ అవడం చూసి తట్టుకోలేక అభిమాని మృతి

కోల్‌కతా : ప్రపంచ కప్ సెమీ ఫైనల్ మ్యాచ్ లో ఎంఎస్ ధోని అవుట్ అవడం చూసిన అతని అభిమాని తట్టుకోలేక కుప్పకూలి మరణించిన విషాద ఘటన పశ్చిమబెంగాల్ రాష్ట్రంలోని కోల్‌కతా నగరంలో వెలుగుచూసింది. కోల్‌కతా నగరానికి చెందిన శ్రీకాంత్ (33) సైకిల్ షాపు యజమాని. శ్రీకాంత్ ధోనీ అభిమాని. బుధవారం న్యూజీలాండ్ జట్టుతో జరిగిన క్రికెట్ మ్యాచ్‌లో ఎంఎస్ ధోనీ అవుట్ అయ్యాడు. అంతే తన ఫోన్‌లో క్రికెట్ మ్యాచ్ చూస్తున్న శ్రీకాంత్ బాధతో అరుస్తూ సృహ తప్పి పడిపోయాడు. ఇరుగుపొరుగు వారు వెంటనే శ్రీకాంత్ ను ఖానుకుల్ ఆసుపత్రికి తరలించారు. అతన్ని పరిశీలించిన వైద్యులు అప్పటికి శ్రీకాంత్ మరణించాడని ప్రకటించారు. ధోనీ అవుట్ అయ్యాడని తట్టుకోలేక అభిమాని శ్రీకాంత్ గుండెపోటుతో మరణించి ఉంటాడని వైద్యులు చెప్పారు.

కప్పు వాకిట బొక్క బోర్లా

•  అనుకోని పరాజయం
•  కివీస్‌ చేతిలో పరాభవం
•  సెమీస్‌లో భారత్‌ ఓటమి
•  కొంపముంచిన టాపార్డర్‌
•  రోహిత్‌, కోహ్లీ విఫలం
•  జడేజా పోరాటం వృథా
•  ఫైనల్లో న్యూజిలాండ్‌

 పాత కథే పునరావృతమైంది! ఐసీసీ టోర్నమెంట్లలో తరచుగా భారత్‌ను ఓడించే న్యూజిలాండ్‌.. మరోసారి మనకు అడ్డుగా నిలిచింది!! ఫలితంగా వరల్డ్‌ కప్పు సాధనలో ఒక్క అడుగు ముందు భారత్‌ బొక్క బోర్లా పడింది!!

240.. కోరుకున్న ప్రత్యర్థి మన ముందుంచిన టార్గెట్‌ ఇది. ఓ మోస్తరు లక్ష్యమే! వరుస మ్యాచుల్లో సెంచరీలతో దుమ్మురేపిన హిట్‌మ్యాన్‌ రోహిత్‌ శర్మ, గత మ్యాచ్‌లో సెంచరీతో ఫామ్‌లోకొచ్చిన కేఎల్‌ రాహుల్‌.. చేజింగ్‌ హీరోగా ఖ్యాతిగాంచిన కెప్టెన్‌ కోహ్లీ ఎలాగూ ఉన్నాడు. ఇంకేం.. కివీస్‌ విసిరిన ఆ లక్ష్యాన్ని ఒక్క టాపార్డరే ఛేదించేస్తుందని సంబరపడ్డ భారత అభిమానుల ఆశలు ఆవిరయ్యేందుకు ఎంతో సమయం పట్టలేదు. ఈ ముగ్గురూ ఒక్కో పరుగుకే పరిమితమై బ్యాట్లెత్తేయడంతో మ్యాచ్‌ సగం చేజారిపోయింది! ఆఖర్లో జడేజా (59 బంతుల్లో 77) అద్భుతంగా పోరాడినా.. అప్పటికే ఆలస్యమైపోయింది!! మరో 3 బంతులు మిగిలుండగానే 221 పరుగులకేకుప్పకూలిన టీమిండియా 18 పరుగుల తేడాతో ఓటమిపాలైంది. భారత్‌ ప్రస్థానం వరుసగా రెండోసారీ సెమీఫైనల్‌తోనే ఆగిపోయింది. అద్భుతమైన ఆటతీరుతో అలరించిన న్యూజిలాండ్‌ వరుసగా రెండోసారి ఫైనల్‌కు దూసుకెళ్లింది.

 

టోర్నీలో ఐదు సెంచరీలతో రోహిత్‌ ప్రపంచ రికార్డు.. సమకాలీన క్రికెట్‌లో ఎదురులేని ఆటగాడు విరాట్‌ కోహ్లీ..చివరి లీగ్‌ మ్యాచ్‌లో సెంచరీ చేసి నిండైన ఆత్మవిశ్వాసంతో తొణికిసలాడుతున్న కేఎల్‌ రాహుల్‌ దారుణ వైఫల్యం.. భీకర షాట్లతో కొద్ది ఓవర్లలో మ్యాచ్‌ గతిని మార్చివేసే డ్యాషింగ్‌ హార్దిక్‌ పాండ్యా, ‘నిఽధహాస్‌’ ట్రోఫీలో వలే ఆదుకుంటాడనుకున్న దినేశ్‌ కార్తీక్‌ స్వల్ప స్కోరుకే పరిమితం.. దాంతో 3/5, 24/4,92/6తో మ్యాచ్‌పై ఆశలొదులుకున్న తరుణంలో మూడు వందలకుపైగా మ్యాచ్‌ల అనుభవం కలిగిన ఎమ్మెస్‌ ధోనీ, ఆల్‌రౌండర్‌ జడేజా అసమానం పోరాటం చేశారు..గెలుపు లాంఛనమే అనుకున్న న్యూజిలాండ్‌కు వణుకు పుట్టించారు. భారత్‌ను విజయం అంచుల దాకా చేర్చారు.. కానీ ఒత్తిడిని అదిమి పట్టిన కివీస్‌ బౌలర్లు, ఫీల్డర్లు కీలక తరుణంలో మరోసారి సత్తా చాటారు.. జడేజా, ధోనీని అవుట్‌ చేసి భారత్‌ను

దెబ్బకొట్టారు.. ఫైనల్‌ చేరారు.

 

మన బౌలర్లు న్యూజిలాండ్‌ ఓపెనర్లకు మంగళవారం చుక్కలు చూపించిన సమయాన కెప్టెన్‌ విలియమ్సన్‌, రాస్‌ టేలర్‌ సంయమనం ప్రదర్శించారు. ఇదే కివీస్‌కు, మనకూ మధ్య తేడా.. భారీ షాట్లకు పోకుండా ఓపిగ్గా వేచివుండి ఒకటి, రెండు పరుగులతోనే విలియమ్సన్‌-టేలర్‌ ఇన్నింగ్స్‌ నిర్మించిన తీరు అమోఘం..చివరి ఓవర్లలో ధాటిగా బ్యాటింగ్‌ చేసే క్రమంలో వేగంగా వికెట్లు కోల్పోయినా ఇబ్బంది లేకుండా ఉండేలా ఆఖరి వరకూ వీరిద్దరూ ఆడిన తీరు ప్రశంసనీయం.. కానీ మన జట్టు అందుకు పూర్తి విరుద్ధం.. లక్ష్యం చిన్నదే.. వర్షంతో వికెట్‌ తేమగా ఉండి బంతి సీమ్‌తోపాటు స్వింగైనా రోహిత్‌, విరాట్‌ లాంటి గొప్ప బ్యాట్స్‌మెన్‌కు ఆ బంతులను కాచుకోవడం పెద్ద కష్టమేమీ కాదు.. కానీ ఒత్తిడికి చిత్తై, షాట్ల ఎంపికలో తడబడి మనోళ్లు ‘బ్యాట్లె’త్తేశారు.. మొత్తంగా బౌలర్లు ఇచ్చిన అద్భుతమైన అవకాశాన్ని బ్యాట్స్‌మెన్‌ చేజేతులా వృథా చేసుకున్నారు..

ఫలితంగా ట్రోఫీ పట్టేస్తారనుకొంటే సెమీఫైనల్లోనే నిష్క్రమించారు.. జట్టు చాంపియన్‌ కావడమే తరువాయి సండేను మరుపురానిదిగా చేసుకొందామనుకున్న అభిమానుల కలలు కల్లలయ్యాయి.

 

మాంచెస్టర్‌: అసలాటలో మన ‘టాప్‌’ బ్యాట్స్‌మెన్‌ రోహిత్‌, శర్మ, కేఎల్‌ రాహుల్‌, విరాట్‌ కోహ్లీ చేతులెత్తేశారు. కానీ వరల్డ్‌కప్‌లో ఇప్పటివరకు విఫలమై విమర్శలు ఎదుర్కొంటున్న మిడిల్‌, టెయిలెండ్‌ బ్యాట్స్‌మెనే ఆపద్బాంధవులయ్యారు. అపార అనుభవజ్ఞుడైన ధోనీ, ఆల్‌రౌండర్‌ జడేజా శాయశక్తులా పోరాడి జట్టును విజయతీరాలకు చేర్చేందుకు ప్రయత్నించారు. కానీ కీలక సమయంలో న్యూజిలాండ్‌ బౌలర్లు విజృంభించి వారిని అవుట్‌ చేశారు. దాంతో సెమీఫైనల్లో టీమిండియాకు 18 పరుగులతో ఓటమి తప్పలేదు. వర్షంవల్ల బుధవారం కొనసాగిన ఈ మ్యాచ్‌లో న్యూజిలాండ్‌ 50 ఓవర్లలో 8 వికెట్లకు 230 పరుగులు చేసిం ది. మంగళవారం ఆట ఆపివేసే సమయానికి 46.1 ఓవర్లలో 211/5తో ఉన్న న్యూజిలాండ్‌ మిగిలిన 23 బంతుల్లో 28 రన్స్‌ చేసి మరో మూడు వికెట్లు కోల్పోయింది. రాస్‌ టేలర్‌ (90 బంతుల్లో 3 ఫోర్లు, సిక్స్‌తో 74) కిందటి రోజు తన స్కోరుకు మరో ఏడు పరుగులు జోడించి అవుటయ్యాడు. భువనేశ్వర్‌ (3/43) మూడు వికెట్లు పడగొట్టాడు. ఛేదనలో భారత్‌ 49.3 ఓవర్లలో 221 పరుగులకు ఆలౌటైంది. జడేజా (59 బంతుల్లో 4 ఫోర్లు, 4 సిక్సర్లతో 77), ధోనీ (72 బంతుల్లో ఫోర్‌, సిక్స్‌తో 50) హాఫ్‌ సెంచరీలతో అమోఘంగా పోరాడారు. వీరుగాక పంత్‌ (32), హార్దిక్‌ పాండ్యా (32) మాత్రమే రాణించారు. మ్యాట్‌ హెన్రీ (3/37), శాంట్నర్‌ (2/34), బౌల్ట్‌ (2/42) భారత్‌ పనిపట్టారు. హెన్రీ మ్యాన్‌ ఆఫ్‌ ది మ్యాచ్‌గా నిలిచాడు.

 

టాపార్డర్‌ టపటపా..

ఓవర్‌కు 4.8 పరుగుల లక్ష్యం. టీమిండియా బ్యాట్స్‌మెన్‌ భీకర్‌ ఫామ్‌ దృష్ట్యా చూస్తే పెద్దదేమీ కాదు. కాకపోతే మంగళవారం నాటి భారీ వర్షంతో వికెట్‌ కాస్త తేమగా ఉండి బుధవారం మేఘావృ తమైన పరిస్థితులను కివీస్‌ పేసర్లు సద్వినియోగం చేసు కున్నారు. రెండో ఓవర్లోనే మ్యాట్‌ హెన్రీ భారత్‌కు షాకిచ్చాడు. ఆఫ్‌ స్టంప్‌ ఆవలిగా వేసిన ఫుల్‌లెంగ్త్‌ డెలివరీని క్రీజులోనుంచి ఏమా త్రం పాదం కదపకుండా ఆడేందుకు రోహిత్‌ ప్రయత్నించాడు. దీంతో బంతి అతడి బ్యాటు అంచును తాకుతూ కీపర్‌ లాథమ్‌ చేతిలోకి వెళ్లింది. మరికొద్ది సేపటికే ట్రెంట్‌ బౌల్ట్‌ దెబ్బ తీశాడు. లెగ్‌స్టంప్‌పై అతడు వేసిన బంతి స్వింగై మిడిల్‌స్టం్‌పవైపు దూసుకొచ్చింది. ఈ బంతిని అడ్డంగా ఆడిన కోహ్లీ ఎల్బీ అయ్యాడు. అయితే అంపైర్‌ నిర్ణయంపై సంతృప్తి చెందని విరాట్‌ రివ్యూ కోరాడు. కానీ బంతి వికెట్‌ దిశలోనే పడినట్టు తేలడంతో విరాట్‌ నిష్క్రమించక తప్పలేదు. కోహ్లీ అవుటైన షాక్‌నుంచి తేరుకునేలోపే హెన్రీ మరోసారి విజృంభించాడు. నాలుగో ఓవర్లో ఓ అద్భుతమైన స్వింగర్‌తో కీపర్‌ క్యాచ్‌తో రాహుల్‌ను పెవిలియన్‌కు చేర్చాడు. ఈ దశలో రిషభ్‌ పంత్‌, దినేశ్‌ కార్తీక్‌ చక్కటి డిఫెన్స్‌తో కొద్దిసేపు కివీస్‌ బౌలర్లను ఎదుర్కొన్నారు. ముఖ్యంగా పంత్‌ ఎంతో సంయమనంతో బ్యాటింగ్‌ చేసి ఆకట్టుకున్నాడు. ఆరో ఓవర్లో హెన్రీ బంతిని బౌండరీకి తరలించిన పంత్‌ ఒత్తిడిని ఒకింత తగ్గించాడు. మరోవైపు 20 బంతులు ఎదుర్కొని ఒక్క పరుగు కూడా చేయని కార్తీక్‌..తొమ్మిదో ఓవర్లో బౌల్ట్‌ బౌలింగ్‌లో ఫోర్‌తో ఖాతా తెరిచాడు. 10వ ఓవర్లో హెన్రీ బంతిని చూడచక్కటి కవర్‌ డ్రైవ్‌తో పంత్‌ బౌండరీకి తరలించాడు. కానీ ఇదే ఓవర్‌ చివరి బంతికి కార్తీక్‌ను అవుట్‌ చేయడం ద్వారా భారత్‌కు దిమ్మదిరిగేలా చేశాడు హెన్రీ. తర్వాత పాండ్యా, పంత్‌ కొద్దిసేపు ఇన్నింగ్స్‌ను చక్కదిద్దారు. కానీ భారీషాట్‌ కొట్టబోయి పంత్‌ అవుట్‌ కావ డంతో 47 పరుగుల ఐదో వికెట్‌ భాగస్వామ్యానికి తెరపడింది. సీనియర్‌ ధోనీ, హార్డ్‌హిట్టర్‌ హార్దిక్‌ పాండ్యా. జట్టును గట్టెక్కిస్తారనుకొన్నారు. అయితే 31వ ఓవర్లో పాండ్యాను అవుట్‌ చేసిన శాంట్నర్‌ కివీ్‌సకు మరో బ్రేక్‌ ఇచ్చాడు.

 

ధోనీ-జడేజా అద్భుత పోరాటం..

హార్దిక్‌ అవుటయ్యే సమయానికి భారత్‌ స్కోరు 92/6. విజయానికి 20 ఓవర్లలోఇంకా 148 రన్స్‌ కావాలి. దాంతో ధోనీ, జడేజా ఒకటి, రెండు పరు గులు తీస్తూ అవకాశ మొచ్చినప్పుడు షాట్లు కొడుతూ ఇన్నింగ్స్‌ను నడిపించి కివీస్‌లో గుబులు రేపారు. 33వ ఓవర్లో నీషమ్‌ బౌలింగ్‌లో జడేజా సిక్సర్‌ కొట్టగా తర్వాతి ఓవర్లో బౌల్ట్‌ బంతిని బౌండరీకి తరలించిన ధోనీ ఫ్యాన్స్‌లో హుషారు తెచ్చాడు. ఆపై హెన్రీ బౌలింగ్‌లో ఫోర్‌, శాంట్నర్‌ బౌలింగ్‌లో అదిరిపోయే సిక్సర్‌ కొట్టిన జడేజా..ఫెర్గూసన్‌ బంతిని బౌండ్రీగా మలచడంతో 40 ఓవర్లు ముగిసే సరికి 150/6 స్కోరుతో భారత్‌ పోటీలోకొచ్చింది. అంటే విజయానికి చివరి 10 ఓవర్లలో 90 రన్స్‌ చేయాల్సిన పరిస్థితి. ఈ దశలో 41వఓవర్లో సిక్స్‌ దంచిన జడేజా...42వ ఓవర్లో మరో సిక్స్‌తో దుమ్ము రేపాడు. అనంతరం మరో రెండు రన్స్‌తో హాఫ్‌ సెంచరీ పూర్తి చేసుకున్నాడు. ఆ తర్వాత 6,4తో అతడు మరింత రెచ్చిపోయాడు.

 

మళ్లీ దెబ్బకొట్టిన బౌల్ట్‌..

ధోనీతో కలిసి జట్టును విజయతీరాలకు పరుగులు పెట్టిస్తున్న వేళ జడేజాను అవుట్‌ చేసిన బౌల్ట్‌ భారత్‌ను కోలుకోలేని దెబ్బ తీశాడు. 48వ ఓవర్‌లో బౌల్ట్‌ నెమ్మదిగా వేసిన బంతిని సరిగా కొట్టలేకపోయిన జడేజా మిడాఫ్‌లో విలియమ్సన్‌కు క్యాచ్‌ ఇచ్చాడు. దాంతో 116 పరుగుల ఏడో వికెట్‌ భాగస్వామ్యానికి తెరపడింది.

 

ధోనీ రనౌట్‌తో..

ఇక చివరి 12 బంతుల్లో భారత్‌ విజయానికి 31 రన్స్‌ కావాలి. ఫెర్గూసన్‌ వేసిన 49వ ఓవర్‌ తొలి బంతికి మహీ కళ్లు చెదిరే సిక్స్‌ కొట్టాడు. రెండో బంతికి రన్‌ తీయలేకపోయిన ధోనీ..మూడో బంతిని షార్ట్‌ఫైన్‌లెగ్‌లోకి కొట్టి సింగిల్‌తో అర్థ సెంచరీ పూర్తి చేశాడు. అయితే స్ట్రయికింగ్‌ తనే ఉంచుకొనే ఉద్దేశంతో రెండో రన్‌కు వెళ్లగా మార్టిన్‌ గప్టిల్‌ విసిరిన అద్భుత త్రో నేరుగా వికెట్లను తాకింది. దాంతో కేవలం అంగుళం దూరంలో ఉన్న ధోనీ రనౌట్‌ అయ్యాడు. అంతే..మరోసారి స్టేడియంలో పిన్‌డ్రా్‌ప సైలెన్స్‌. విజయం అందినట్టే అంది చేజారిందని భారత్‌ అభిమానులు కన్నీరు మున్నీరు. ఆ తర్వాత భువనేశ్వర్‌ (0), చాహల్‌ (5) వికెట్లను తీసేందుకు న్యూజిలాండ్‌కు ఎంతోసేపు పట్టలేదు.

 

కోహ్లీ.. మళ్లీ

వరల్డ్‌కప్‌ సెమీఫైనల్స్‌లో కోహ్లీ చెత్త రికార్డు కొనసాగుతోంది. ఇప్పటివరకూ మూడు ప్రపంచకప్‌లు ఆడిన విరాట్‌ ఒక్కదానిలోనూ పట్టుమని పది పరుగులు చేయలేకపోయాడు. 2011లో పాకిస్థాన్‌పై 9 (21 బంతుల్లో), 2015లో

ఆస్ర్టేలియాపై 1 (13 బంతుల్లో), 2019లో న్యూజిలాండ్‌పై ఒక్కపరుగు (6 బంతుల్లో) చేశాడు.

 

గప్టిల్‌.. సూపర్‌ త్రో!

మార్టిన్‌ గప్టిల్‌ ఈ వరల్డ్‌క్‌పలో విఫలమై విమర్శలు ఎదుర్కొంటున్న బ్యాట్స్‌మన్‌. అలాంటి అతడు అద్భుతమైన ఫీల్డింగ్‌తో మ్యాచ్‌ను న్యూజిలాండ్‌పక్షం చేయడంతోపాటు తనపై విమర్శలు గుప్పించిన వారినుంచే ప్రశంసలు అందుకున్నాడు. 49వ ఓవర్లో ఫెర్గూసన్‌ బంతిని షార్ట్‌ఫైన్‌లెగ్‌లోకి కొట్టిన ధోనీ రెండో రన్‌ కోసం ప్రయత్నించాడు. కానీ అక్కడ ఫీల్డింగ్‌ చేస్తున్న గప్టిల్‌ నేరుగా విసిరిన బంతి వికెట్లను గిరాటేసింది. దాంతో వికెట్ల మధ్య వేగంగా పరుగెత్తడంలో మేటి అయిన ధోనీ రనౌట్‌ కాకతప్పలేదు.

 

టోర్నీ ఆసాంతం చక్కగా ఆడాం. కానీ ఆ 45 నిమిషాలు చెత్తగా ఆడడంతో వరల్డ్‌కప్‌ నుంచి నిష్క్రమించాం. ఈ పరాజయాన్ని జీర్ణించుకోవడం కష్టం. జడేజా గొప్పగా ఆడాడు. ధోనీ రనౌట్‌ కాకుండా ఉంటే పరిస్థితి వేరుగా ఉండేది. టోర్నీ మొత్తంలో మా షాట్ల ఎంపిక బాగాలేదు. ఆ ఒక్కటి తప్ప టోర్నీలో మా ప్రదర్శన సంతృప్తిగా ఉంది. - విరాట్‌ కోహ్లీ

 

రిటైర్మెంట్‌పై ధోనీ ఏమీ చెప్పలేదు

రిటైర్మెంట్‌ గురించి ధోనీ తమకు ఏమీ చెప్పలేదని విరాట్‌ వెల్లడించాడు. సెమీఫైనల్‌లో భారత్‌ ఓడిపోవడంతో.. మహీ ఆటకు గుడ్‌బై చెబుతాడని వస్తున్న వార్తల నేపథ్యంలో కోహ్లీ స్పందించాడు. ‘తన భవిష్యత్‌ ప్రణాళిక గురించి అతడు మాకేమీ చెప్పలేదు’ అని తెలిపాడు.

 

స్కోరుబోర్డు

న్యూజిలాండ్‌: గప్టిల్‌ (సి) కోహ్లీ (బి) బుమ్రా 1, నికోల్స్‌ (బి) జడేజా 28, కేన్‌ విలియమ్సన్‌ (సి) జడేజా (బి) చాహల్‌ 67, రాస్‌ టేలర్‌ (రనౌట్‌/జడేజా) 74, నీషమ్‌ (సి) కార్తీక్‌ (బి) పాండ్యా 12, గ్రాండ్‌హోమ్‌ (సి) ధోనీ (బి) భువనేశ్వర్‌ 16, లాథమ్‌ (సి) జడేజా (బి) భువనేశ్వర్‌ 10, శాంట్నర్‌ (నాటౌట్‌) 9, మాట్‌ హెన్రీ (సి) కోహ్లీ (బి) భువనేశ్వర్‌ 1, ట్రెంట్‌ బౌల్ట్‌ (నాటౌట్‌) 3; ఎక్స్‌ట్రాలు: 18; మొత్తం: 50 ఓవర్లలో 239/8; వికెట్ల పతనం: 1-1, 2-69, 3-134, 4-162, 5-200, 6-225, 7-225, 8-232; బౌలింగ్‌: భువనేశ్వర్‌ 10-1-43-3, బుమ్రా 10-1-39-1, హార్దిక్‌ పాండ్యా 10-0-55-1, జడేజా 10-0-34-1, చాహల్‌ 10-0-63-1.

 

భారత్‌: కేఎల్‌ రాహుల్‌ (సి) లాథమ్‌ (బి) హెన్రీ 1, రోహిత్‌ శర్మ (సి) లాథమ్‌ (బి) హెన్రీ 1, విరాట్‌ కోహ్లీ (ఎల్బీ) బౌల్ట్‌ 1, రిషభ్‌ పంత్‌ (సి) గ్రాండ్‌హోమ్‌ (బి) శాంట్నర్‌ 32, దినేశ్‌ కార్తీక్‌ (సి) నీషమ్‌ (బి) హెన్రీ 6, హార్దిక్‌ పాండ్యా (సి) విలియమ్సన్‌ (బి) శాంట్నర్‌ 32, ధోనీ (రనౌట్‌/గప్టిల్‌) 50, జడేజా (సి) విలియమ్సన్‌ (బి) బౌల్ట్‌ 77, భువనేశ్వర్‌ (బి) ఫెర్గూసన్‌ 0, చాహల్‌ (సి) లాథమ్‌ (బి) నీషమ్‌ 5, బుమ్రా (నాటౌట్‌) 0; ఎక్స్‌ట్రాలు: 16; మొత్తం: 49.3 ఓవర్లలో 221 ఆలౌట్‌; వికెట్ల పతనం: 1-4, 2-5, 3-5, 4-24, 5-71, 6-92, 7-208, 8-216, 9-217, 10-221; బౌలింగ్‌: ట్రెంట్‌ బౌల్ట్‌ 10-2-42-2, మాట్‌ హెన్రీ 10-1-37-3, ఫెర్గూసన్‌ 10-0-43-1, గ్రాండ్‌హోమ్‌ 2-0-13-0, నీషమ్‌ 7.3-0-49-1, శాంట్నర్‌ 10-2-34-2.

Is Anupama Parameswaran dating cricketer Jasprit Bumrah?

అందుకే ఓడాం: టీమిండియా సారథి కోహ్లీ

మాంచెస్టర్: ప్రపంచకప్‌లో భాగంగా న్యూజిలాండ్‌తో జరిగిన తొలి సెమీస్‌లో భారత్ 18 పరుగుల తేడాతో ఓటమి పాలైంది. అడుగంటిన ఆశలను తిరిగి రేకెత్తించిన జడేజా అవుటయ్యాక మ్యాచ్ స్వరూపం మారిపోయింది. ధోనీ అవుటయ్యాక ఫలితం తేలిపోయింది. మ్యాచ్ అనంతరం టీమిండియా కెప్టెన్ విరాట్ కోహ్లీ మాట్లాడుతూ.. కివీస్ తమకంటే ధైర్యసాహసాలు ప్రదర్శించి విజయం సాధించిందని కొనియాడాడు. బంతితో తొలుత అద్భుతంగా రాణించినప్పటికీ బ్యాటింగ్‌లో ఘోరంగా విఫలమయ్యామని, తమ ఓటమికి అదే కారణమని పేర్కొన్నాడు.

 

న్యూజిలాండ్‌ను ఛేదించగలిగే స్కోరుకే అవుట్ చేసినా లక్ష్య ఛేదనలో చతికిలపడ్డామన్నాడు. తొలి అరగంట ఆట మ్యాచ్ ఫలితాన్ని తారుమారు చేసిందన్నాడు. నిన్న బాగా రాణించామని అయితే, న్యూజిలాండ్ బౌలర్లు అద్భుతంగా బంతులు సంధించారని ప్రశంసించాడు. జడేజా అదరగొట్టే ప్రదర్శన చేశాడని ఆకాశానికెత్తేశాడు. ధోనీ మంచి భాగస్వామ్యం అందించాడని అన్నాడు. అయితే, విజయానికి చేరువగా వచ్చి స్వల్ప తేడాతో ఓటమి పాలయ్యామని పేర్కొన్నాడు. విజయానికి న్యూజిలాండ్‌కు అన్ని విధాల అర్హత ఉందన్నాడు. ఆ జట్టు తమకంటే బాగా ఆడిందని, తమకంటే ధైర్యం ప్రదర్శించిందని ప్రశంసలు కురిపించాడు. ఈ సందర్భంగా తమకు మద్దతుగా నిలిచిన అభిమానులకు కృతజ్ఞతలు తెలిపాడు.

కుదురుకుంటున్న సమయంలో మరో దెబ్బ

మాంచెస్టర్: పాండ్యా-రిషభ్ పంత్‌లు క్రీజులో కుదురుకున్నారని అభిమానులు సంబరపడుతున్న వేళ భారత్‌కు మరో దెబ్బ తగిలింది. శాంట్నర్ బౌలింగ్‌లో భారీ షాట్‌కు యత్నించిన రిషభ్ పంత్ బౌండరీ లైన్ వద్ద గ్రాండ్‌హోమ్‌కు క్యాచ్ ఇచ్చి పెవిలియన్ చేరాడు. 56 బంతులు ఆడిన 4 పోర్లతో 32 పరుగులు చేశాడు. 23 ఓవర్లు పూర్తయ్యే సరికి భారత్ ఐదు వికెట్ల నష్టానికి 71 పరుగులు చేసింది.

కష్టాల్లో భారత్.. 5 పరుగులకే మూడు వికెట్లు డౌన్

మాంచెస్టర్: కివీస్‌తో జరుగుతున్న సెమీఫైనల్ పోరులో భారత్‌ కష్టాల్లో పడింది. బంతి విపరీతంగా స్వింగ్ అవుతుండడం కివీస్‌కు కలిసి వస్తోంది. నాలుగు పరుగుల వద్ద రోహిత్ అవుటైన తర్వాత క్రీజులోకి వచ్చిన కోహ్లీ.. బౌల్ట్ బౌలింగ్‌లో వికెట్ల ముందు దొరికిపోగా, ఆ వెంటనే లోకేశ్ రాహుల్ (1) హెన్రీ బౌలింగ్‌లో లాథమ్‌కు క్యాచ్ ఇచ్చి అవుటయ్యాడు. నాలుగు ఓవర్లు ముగిసే సరికి భారత్ మూడు వికెట్ల నష్టానికి 5 పరుగులు చేసింది. దినేశ్ కార్తీక్, రిషభ్ పంత్ క్రీజులో ఉన్నారు. 

‘కార్తీకదీపం’ జూలై 10, ఎపిసోడ్: దీప పతివ్రత అని మౌనిత ఒప్పుకుంది కాని..

253 ఎపిసోడ్‌లోని హైలెట్స్ చూద్దాం.. 

సౌంద‌ర్య కార్తీక్ కోసం ఎదురు చూస్తూ ఉంటుంది. ''నిజంగానే ఇంటికి రాడా?'' అంటూ భ‌ర్త ఆనంద‌రావుతో త‌న బాధ చెప్పుకుంటూ ఉంటుంది. ఇంత‌లో పైనుంచి హిమా-కార్తీక్‌ల న‌వ్వులు వినిపిస్తాయి. ''వాడి మాట‌ల్లానే ఉన్నాయ్.. ఎప్పుడొచ్చాడండీ?'' అంటూ షాక్ అవుతుంది సౌంద‌ర్య‌. ''ప‌ద పైకి వెళ్లి చూద్దాం'' అంటాడు ఆనంద‌రావు. ఇద్ద‌రూ క‌లిసి పైకి వెళ్లేస‌రికి హిమా-కార్తీక్‌లు ఆడుకుంటూ, న‌వ్వుకుంటూ ఉంటారు. ''ఎప్పుడు వ‌చ్చావ్ సుపుత్రా'' అంటుంది సౌంద‌ర్య‌. ''ఆకాశం నుంచి విచిత్రమైన చుక్క కింద‌ ప‌డిన‌ప్పుడు'' అంటాడు కార్తీక్ వెట‌కారంగా.. ''నీ కోసం ఇంత కంగారు ప‌డుతూ ఉంటే మాకు క‌నిపించ‌కుండా ఎలా పైకి వ‌చ్చావ్'' అంటుంది సౌంద‌ర్య‌. 

''మీరు.. కొత్తిమీర‌, క‌రివేపాకు అంటూ పాక‌శాస్త్రం (దీప‌) గురించి లీన‌మై మాట్లాడుకుంటున్న‌ప్పుడు వ‌చ్చానులే మ‌మ్మీ'' అంటాడు మ‌ళ్లీ వెట‌కారంగా.. ''అంటే ఏంటి డాడీ?'' అంటుంది హిమా న‌వ్వుతూ.. ''నాన్న‌మ్మ‌కి అర్థ‌మైందిలేరా..'' అంటాడు కార్తీక్‌. అలా సౌంద‌ర్య‌-కార్తీక్‌ల మ‌ధ్య ఎప్ప‌ట్లానే మాట‌ల యుద్ధం జ‌రుగుతుంది. కోపంతో వెళ్లిపోయిన సౌంద‌ర్య‌ని బ‌తిమ‌లాడి తిన‌డానికి తీసుకొస్తాడు కార్తీక్‌. తినేప్పుడు హిమా... కార్తీక్‌,సౌంద‌ర్య‌, ఆనంద‌రావుల‌కి వ‌డ్డిస్తుంది. ''హిమా.. ఇక నుంచి నాన్న‌మ్మాతాత‌య్యాలు తినేలా చేసే బాధ్య‌త నీదే.. నేనున్న లేక‌పోయినా నువ్వు వాళ్ల క‌డుపు నిండా తినేలా చెయ్యాలి స‌రేనా'' అంటాడు కార్తీక్‌. హిమ స‌రే అంటుంది. (ఈ టెన్ష‌న్‌లో టైమ్‌కి తిన‌కుండా ఉంటున్న త‌ల్లిదండ్రుల‌ని.. చిన్న‌పిల్ల బాధ‌ప‌డుతుంద‌నైనా తింటార‌నే న‌మ్మ‌కంతో తెలివిగా అలా ఇరికించాడు కార్తీక్‌.) 

మౌనిత టెన్ష‌న్ అటూ ఇటూ తిరుగుతూ ఆలోచిస్తుంది. 'ఆ దీప ఫోన్ చెయ్య‌ట్లేదు.. ఈ కార్తీక్ ఫోన్ లిప్ట్ చెయ్యట్లేదు.. అబ్బా పిచ్చెక్కుతోంది..' అనుకుంటూ.. ''ఓసేయ్ శ్రీల‌తా అయ్యిందా వండ‌టం? ఆక‌లేస్తుందే..'' అంటూ హ‌డావ‌డి చేస్తుంది. హ‌డ‌లుహ‌డ‌లుగా వ‌చ్చిన శ్రీల‌త‌.. వంట అయిపోయిందని చెబుతుంది. ''కార్తీక్ ఫోన్ చెయ్య‌ట్లేదే..'' అంటుంది మౌనిత బాధ‌గా.. ''దానికి నేనేం చెయ్య‌నే?'' అంటూనే.. ''దీప-కార్తీక్ ఇద్ద‌రూ క‌లిసిపోయి ఉంటారు'' అంటుంది శ్రీల‌త కావాల‌నే.. వెంట‌నే కొట్ట‌డానికి సిద్ధ‌ప‌డ్డ మౌనిత కొట్ట‌కుండా ఆగి.. ''ఏమాట‌కామాట అనుకోవాలే.. ఆ దీప నిజంగానే మ‌హా ప‌తీవ్ర‌త.. చాలా గొప్ప స్త్రీ'' అంటూ పొగుడుతుంది. ఆ పొగ‌డ్త‌లు విని శ్రీల‌త షాక్ అవుతుంది. ''నువ్వు దీప‌ని పొగుడుతున్నావా? అంటే విహారీ అనే వాడు నిజంగా ఉన్నాడా లేక‌.. అది కూడా నీ క‌ల్పిత‌మేనా?'' అని అడుగుతుంది శ్రీల‌త. నీకు సగం తెలుసు.. స‌గం తెలియ‌దు.. విహారీ అనేవాడు ఉన్నాడు.. నిజంగానే దీప వాడ్ని అన్న‌య్య అని భావించింది.. కానీ నేను దాన్ని వ‌క్రీక‌రించి కార్తీక్‌కి అనుమానం పుట్టేలా చేశాను'' అంటూ జ‌రిగినదంతా శ్రీల‌త‌కి చెబుతుంది మౌనిత‌. 

కార్తీక్ దీప ఇంట్లో త‌న ఫోన్ మ‌ర్చిపోతాడు. ఆ ఫోన్‌ని దీప తీసి చూడ‌గా హిమ ఫొటో క‌నిపిస్తుంది. వెంట‌నే ముద్దులు పెట్టుకుని ప్రేమ‌గా ఆ ఫోన్‌ని గుండెల‌కు హ‌త్తుకుంటుంది దీప‌. ''ఆ మ‌నిషి ఫోన్ నాకెందుకు'' అని ప‌క్క‌న పెట్టి.. మ‌ళ్లీ తీసుకుని.. ''అవునూ.. ఆ మ‌నిషి నా నంబ‌ర్ ఏం సేవ్ చేసుకున్నాడో చూద్దాం..'' అంటూ త‌న ఫోన్ నుంచి కార్తీక్ ఫోన్‌కి రింగ్ ఇచ్చుకుంటుంది దీప‌. ఆ పేరు చూసి షాక్ అవుతుంది. కోపంతో ఊగిపోతుంది. ఇంత‌కీ ఆ పేరు ఏంటంటే 'మ‌హాన‌టి'. కార్తీక్ త‌న ఫోన్‌లో దీప పేరుని 'మ‌హాన‌టి' అని సేవ్ చేసుకున్నాడు. దాంతో 'న‌న్ను మ‌హా న‌టి అంటాడా..' అంటూ ఆ ఫోన్ నేల‌కేసి కొట్ట‌బోతాడు. ఇంత‌లో ఫోన్ రింగ్గ‌వ్వ‌డం ఆగిపోయి.. హిమా ఫొటో కనిపిస్తుంది. దాంతో ఫోన్‌ ప‌గ‌ల‌కొట్ట‌కుండా ప‌క్క‌న పెడుతుంది దీప‌. ఇంత‌లో ప‌క్కింట్లో గొడ‌వ జ‌రుగుతూ ఉంటుంది. అద్దెకి ఉంటున్న ఒక అబ్బాయి సామాన్లు అన్నీ.. బ‌య‌టికి తోసేస్తుంది ఆ ఇంటి ఓన‌ర్‌. అక్క‌డ ఆ అబ్బాయి, ప‌క్క‌నే మ‌రో అమ్మాయి ఏడుస్తూ ఉంటారు. 

అక్క‌డికి వెళ్లిన దీప‌.. ''ఏం జ‌రిగింది'' అని అడుగుతుంది. ''వీడు రూమ్‌కి దాన్నెవ్వ‌రినో తెచ్చుకుని పెట్టుకున్నాడు. అడిగితే చెల్లులు అంటున్నాడు. చెల్లెలైతే.. ఆ ఇకఇక‌లు ప‌క‌ప‌క‌లు ఏంటీ..? వాళ్లు ముద్దు పెట్టుకోవ‌డం నేను చూశాను'' అంటుంది ఆ ఇంటి ఓన‌ర్‌. ''దీప‌క్కా నేను ఎలాంటి వాడినో ఇన్ని రోజులుగా చూస్తునే ఉన్నారుగా మీరైనా చెప్పండి.. ఈ అమ్మాయి నా సొంత చెల్లెలు. రేపు ఎగ్జామ్ ఉంటే ఈ రోజు వ‌చ్చింది..'' అంటాడు ఏడుస్తూ ఆ అబ్బాయి. ''అవునండీ.. మేము సొంత అన్నా చెల్లెల్లం. మా అన్న‌య్య క‌ళ్ల‌లో న‌ల‌క ప‌డితే నేను తీసాను. అది చూసి ఈమె త‌ప్పుగా అర్థం చేసుకుంది'' అంటుంది ఆ అమ్మాయి. వాళ్ల మాట‌లు, ఆ ఇంటి ఓన‌ర్ మాట‌లు త‌లుచుకుంటూ, విహారీతో త‌న బంధాన్ని గుర్తు చేసుకుంటూ.. కార్తీక్ అన్న మాట‌ల‌ను-ఇంటి ఓన‌ర్ మాట‌ల‌ను పోల్చుకుంటూ దీప అక్క‌డి నుంచి వెళ్లిపోతుంది. అదే ఆలోచిస్తూ.. త‌న‌ని తాను అర్థంలో చూసుకుంటూ ఉండిపోతుంది. 

రేపటి ఎపిసోడ్‌లో ఏం జరగబోతోంది.. కమింగ్ అప్ ఇదే!! 
మౌనిత కార్తీక్‌కి కాల్ చేస్తుంది. కార్తీక్ ఫోన్ దీప ద‌గ్గ‌ర ఉండ‌టంతో.. 'దీనికి దిమ్మ‌తిరిగే షాక్ ఇస్తా' అని మ‌న‌సులో అనుకుంటూ... దీప ఫోన్ లిప్ట్ చేసి.. ''దీపాకార్తీక్ స్పీకింగ్'' అంటుంది. ''హ‌...లో...'' అంటూ వణుకుతుంది కంగారుగా మౌనిత‌. మ‌ళ్లీ త‌నే మాట్లాడుతూ.. ''కార్తీక్ నీతో ఉన్నాడా?'' అంటుంది అనుమానంగా.. ''అవును..'' అని చెప్పి.. ''డాక్ట‌ర్ బాబు.. డాక్ట‌ర్ బాబూ..'' అని కావాల‌నే ఫోన్ ప‌క్క‌కి పెట్టి పిలుస్తుంది దీప‌. మౌనిత షాక్ అవుతుంది. మ‌ళ్లీ దీప మాట్లాడుతూ.. ''ఆయ‌న వాష్‌రూమ్‌లో ఉన్నారు ఫోన్ ఇవ్వ‌నా?'' అని చెబుతుంది. మ‌రిన్ని వివ‌రాలు రేప‌టి ఎపిసోడ్‌లో చూద్దాం. కార్తీక‌దీపం కొన‌సాగుతోంది. 

Bigg Boss Telugu 3 : సోషల్ మీడియాలో శ్రీముఖి ఆర్మీ హల్‌చల్... బిగ్ బాస్ 3 లోకి ఎంట్రీ..?

బిగ్ బాస్ తెలుగు 3లో పార్టిసిపేట్ చేసే 14 మంది కంటెస్టెంట్లలో యాంకర్ శ్రీముఖి ఉండబోతున్నట్లు ఇప్పటికే ప్రచారం జరుగుతోంది. ఇదే విషయాన్ని ప్రకటించిన ఆమె... నెల కిందటే ట్విట్టర్‌లో తనకు సపోర్ట్ చెయ్యమంటూ... శ్రీముఖి ఆర్మీ పేరుతో క్యాంపెన్ మొదలుపెట్టింది. 

ఇప్పటికే ఈ ఆర్మీ సోషల్ మీడియాలో దుమ్మురేపుతోంది. దానికి తగ్గట్టే... శ్రీముఖి... రోజుకో ఫొటోషూట్‌లో తళుక్కుమంటూ... ఫ్యాన్స్‌ని పెంచుకుంటోంది. బిగ్ బాస్ తెలుగు 2లో విన్నర్‌ అయిన కౌశల్ మందా... తరపున ప్రత్యేకంగా కౌశల్ ఆర్మీ... ట్విట్టర్, ఫేస్‌బుక్, ఇన్‌స్టాగ్రాంలో డెవలప్ అయ్యింది. ఆ షో ఫైనల్‌కి చేరేటప్పటికి... కౌశల్ ఆర్మీ భారీగా పెరిగింది. అదే సీజన్‌లో తనిష్, గీతా మాధురి వంటి ఇతర కంటెస్టెంట్ల ఫ్యాన్స్... కౌశల్ ఆర్మీని ఢీకొట్టారు. కానీ కౌశల్‌ని విన్నర్ చెయ్యడంలో కౌశల్ ఆర్మీ సక్సెస్ అయ్యింది. ప్రధానంగా కౌశల్ గెలుపులో సోషల్ మీడియా కీలక పాత్ర పోషించింది.

Super Cool Video

కార్తీకదీపం’ జూలై 09, ఎపిసోడ్: దీప ఇంటికి కార్తీక్.. చేతులెత్తి వేడుకున్నా కనికరించని దీప

253 ఎపిసోడ్‌లోని హైలెట్స్ చూద్దాం! 

సౌర్య‌-వార‌ణాసి పెన్సిల్స్, పెన్స్ కొనుక్కోవ‌డానికి బ‌య‌టికి వెళ్తారు. కాసేప‌టికి కార్తీక్.. దీప ఇంటికి వ‌స్తాడు. గుమ్మం ద‌గ్గ‌ర‌కు వ‌చ్చి ఇబ్బందిగా చూస్తూ ఉంటారు. కానీ దీప అత‌డి రాక‌ను గుర్తించ‌కుండా వంట ప‌ని చేసుకుంటూ ఉంటుంది. దాంతో కార్తీక్ వెన‌క్కి వెళ్లిపోయి.. కారు ద‌గ్గ‌ర నిల‌బ‌డి దీప‌కి కాల్ చేస్తాడు. కోపంగా లిప్ట్ చేసి దీప‌.. ''ఏంటీ?'' అని అడుగుతుంది. ''ఒక‌సారి బ‌య‌టికి రా'' అంటాడు కార్తీక్ ఇబ్బంది ప‌డుతూ.. ''నేనా?'' అంటుంది దీప‌ అనుమానంగా.. ''నీకేగా కాల్ చేసింది.. నువ్వే! రా ఒక‌సారి బ‌య‌టికి?'' అంటాడు మ‌ళ్లీ కార్తీక్ కాస్త క‌రుకుగా.. ''ఏ బ‌య‌టికి?'' అంటుంది అర్థం కాక‌. ''నీ కొంప‌..'' అని వ‌చ్చిన త‌న మాట‌ల‌ని ఆపుకుంటూ.. ''మీ ఇంటి బ‌య‌టికి'' అంటాడు కార్తీక్‌. ''నా కొంప‌.. నా ఇంటి దాకా వ‌చ్చి.. లోనికి రావ‌డానికేమైంది?'' అంటుంది దీప వెట‌కారంగా.. ''లోప‌ల ఆ రౌడీ (సౌర్య‌) ఉంటుందిగా అందుకే..'' అంటాడు కార్తీక్ క‌వ‌ర్ చేసుకుంటూ... ''సౌర్య లేదు బ‌య‌టికి వెళ్లింది'' అంటుంది దీప‌. ''ప్లీజ్ రా.. మాట్లాడి వెళ్లిపోతాను'' అని కార్తీక్ బ‌తిమ‌లాడ‌తాడు. ''రాను'' అంటుంది దీప‌. కోపం వ‌చ్చిన కార్తీక్‌..త‌న చేతిలోని సెల్ విసిరి కొట్ట‌బోయి.. ఆగి.. ''చూడూ.. నిన్ను నిందించ‌డానికో, నిల‌దియ్య‌డానికో రాలేదు.. రెండే నిమిషాలు వ‌చ్చి వెళ్లు...'' అంటూ ఫోన్ క‌ట్ చేస్తాడు. దాంతో దీప బ‌య‌టికి వ‌స్తుంది. అయినా ఏం మాట్లాడుకుండా మౌనంగా ఉన్న కార్తీక్‌ని చూసి.. పొడి పొడిగా ద‌గ్గి.. ''నేనొచ్చాను'' అంటుంది దీప‌. ''నేనూ దిగొచ్చాను'' అంటాడు కార్తీక్‌. ''అయితే సౌర్య‌ని, న‌న్ను ఇంటికి తీసుకుని వెళ్తారా?'' అంటూ న‌సుగుతుంది దీప‌. ''ఏంటీ'' అని కార్తీక్ అడ‌గ‌డంతో ఏం కాదు చెప్పండి'' అంటుంది దీప‌. ''హిమ నా కూతురు..'' అంటాడు కార్తీక్‌. ''తొమ్మిది నెల‌లు మోసి క‌న్నారా?'' అంటుంది దీప వెట‌కారంగా.. ''అది అనాథని చెప్పి.. మా అమ్మ నా చేతుల్లో పెట్టింది..'' అంటాడు కార్తీక్. ''అవును.. తెలుసు..'' అంటుంది దీప పొగ‌రుగా చూస్తూ.. ''హిమ నా ప్రాణం..'' అంటాడు కార్తీక్. ''అదీ తెలుసు... అయితే? అంటుంది దీప అంతే పొగ‌రుగా. వెంట‌నే చేతులు జోడించి ద‌న్నం పెడుతూ.. ''హిమ జోలికి నువ్వు రావ‌ద్దు.. నా హిమ మీద నువ్వు ప్రేమ‌ని చూపించొద్దు. దాన్ని నేనెంత ప్రేమ‌గా చూసుకుంటున్నానో అదీ అంతే ప్రేమ నా మీద చూపించాలి. అస‌లు ఎందుకు దాన్ని ఇంత‌కు ముందు కంటే ఎక్కువ ప్రేమ‌గా చేసుకుంటున్నావ్‌.? గుడిలో బ‌డిలో ఉందుకు క‌లుస్తున్నావ్‌? నేను మ‌నిషిలా ఉన్నానంటే.. కేవ‌లం హిమ వ‌చ్చిన త‌ర్వాతే. అది న‌న్ను మ‌రిచిపోతే... మ‌ళ్లీ నేను జీవ‌చ్చ‌వంలా బ‌త‌కాలి. ఆ శిక్ష నాకొద్దు. నీకు ఏ సాయం కావాల‌న్నీ నేను చేస్తాను. ద‌య‌చేసి హిమ‌ని వ‌దిలెయ్యి'' అంటాడు కార్తీక్ ఏడుస్తూ.. ఆ మాట‌ల‌కు క‌రిగిన దీప‌.. మ‌న‌సులో.. 'హిమ మ‌న బిడ్డేన‌ని డాక్ట‌ర్‌బాబుకి చెప్పెయ్యాలి..' అనుకుంటూ ఉండ‌గా.. సౌర్య‌-వార‌ణాసిలు తిరిగి వ‌చ్చేస్తారు. ''డాక్ట‌ర్ బాబూ... హిమ‌ని తీసుకొచ్చారా?'' అంటూ కారులో హిమ‌కోసం చూసి.. ''లేదా.. అయితే నా కోస‌మే వ‌చ్చారా..? అమ్మా! డాక్ట‌ర్ బాబుని బ‌య‌టే నిల‌బెట్టి మాట్లాడ‌తావేంటి? ర‌ండి డాక్ట‌ర్ బాబూ..'' అంటూ లోనికి తీసుకొచ్చి కూర్చోబెటుతుంది సౌర్య‌. ''స్కూల్ ఫీజ్ క‌ట్ట‌మ‌ని నువ్వే ఫోన్ చేశావా?'' అంటాడు వార‌ణాసి.. ఆ మాట‌కి దీప కోపంగా చూస్తుంది వార‌ణాసివైపు. ''ఫీజ్ క‌డితేనే టెక్ట్స్ బుక్స్ ఇస్తార‌ట డాక్ట‌ర్ బాబూ'' అంటాడు వార‌ణాసి మ‌ళ్లీ మాట్లాడుతూ.. ఆ మాట‌లు విన్న కార్తీక్‌.. ''ఓ.. స్కూల్ ఫీజ్ క‌ట్టాలి క‌దూ'' అనుకుంటూ.. ''నువ్వు వెళ్లి కారులో చెక్ బుక్ ఉంటుంది తీసుకునిరా'' అంటూ వార‌ణాసిని పంపిస్తాడు. వార‌ణాసి వెళ్ల‌గానే సౌర్య మాట్లాడుతూ.. ''గుడిలో హిమా, నేను బాగా ఆడుకున్నాం డాక్ట‌ర్ బాబు.. మీ గోత్రం మా గోత్రం ఒక‌టేనంట తెలుసా?'' అంటుంది న‌వ్వుతూ.. కార్తీక్ గుర్రుగా దీప‌వైపు చూస్తాడు ఆ మాట‌ల‌కి. ఇంత‌లో వార‌ణాసి చెక్ బుక్ తీసుకుని రావ‌డంతో దానిపైన సంత‌కం పెట్టి.. అమౌంట్ వేసి.. ''రేపు స్కూల్లో ఇచ్చెయ్య్‌.. బాగా చ‌దువుకో.. ఏదైనా అవ‌స‌రం అయితే ఫోన్ చెయ్యి..'' అంటాడు కార్తీక్ సౌర్య‌తో.. సౌర్య వెంట‌నే కార్తీక్ కాళ్ల మీద ప‌డుతుంది. 'హేయ్ రౌడీ' అంటూ పైకి లేపి.. ''వెళ్తాను రౌడీ..'' అంటూ వెళ్లిపోతాడు. మౌనిత బెడ్ రూమ్‌లో ఉంటూ ప‌ర్ఫ్యూమ్ స్మెల్‌ని బ‌ట్టి.. 'కార్తీక్ వ‌చ్చాడు క‌దా..' అనుకుంటూ ఓ సంబంర‌ప‌డిపోతుంది. శ్రీల‌త‌ని పిలిచి అడిగితే.. ''రాలేదే'' అంటుంది. ''క‌చ్చితంగా కార్తీక్ వ‌చ్చి వెళ్లాడు.. త‌ను వాడే ప‌ర్ఫ్యూమ్ స్మెల్ నాకు తెలుస్తుంది'' అంటూ ఒక్క‌టి పీకుతుంది శ్రీల‌త‌ని. ''అది నేనే కొట్టుకున్నాను.. మా ఆయ‌న కూడా అదే ప‌ర్ఫ్యూమ్ వాడ‌తాడు.. త‌నతో మ‌ళ్లీ క‌లిసి బ‌త‌కాల‌ని కోరుకుంటున్నాను కాబ‌ట్టి అత‌డి ఇష్టాలే నా ఇష్టాలు'' అంటుంది శ్రీల‌త‌ కాస్త క‌ఠినంగా.. వెంట‌నే శ్రీల‌త‌ చేతిలోని ప‌ర్ఫ్యూమ్ బాటిల్ లాక్కుని, విసిరి కొడుతుంది మౌనిత‌. ''నువ్వు వెళ్లి ఆ డ్రెస్ మార్చి.. బాత్ చేసి వేరే డ్రెస్ వేసుకో.. ఇంకెప్పుడూ ఆ ప‌ర్ఫ్యూమ్ వాడ‌కు'' అని వార్నింగ్ ఇస్తుంది శ్రీల‌త‌కి మౌనిత‌. దీప ఒంట‌రిగా కూర్చుని కార్తీక్ మాట‌ల‌ను త‌లుచుకుంటూ ఆలోచ‌న‌లో ప‌డుతుంది. 'న‌న్ను, నా క‌ష్టాన్ని ప‌ట్టించుకోని మ‌నిషి కోసం నేనెందుకు ఆలోచించాలి? నేనెందుకు నా బిడ్డ‌ని వ‌దులుకోవాలి? హిమ‌ని వ‌దులుకునే ప్ర‌స‌క్తే లేదు..' అని నిర్ణ‌యించుకుంటుంది మ‌న‌సులో.. కార్తీక్ బార్‌కి వెళ్తాడు. దీప‌తో త‌ను మాట్లాడిన మాట‌ల‌ను తలుచుకుంటూ.. దీప చూపును గుర్తుతెచ్చుకుంటూ.. 'ఆ చూపుకి అర్థం ఏంటీ.. నాకేం కానీ దాని కూతురికి అంత చేస్తుంటే.. స‌రే డాక్ట‌ర్ బాబు అని ఒక్క‌మాట కూడా అన‌లేదు' అనుకుంటాడు మ‌న‌సులో.. స‌రిగ్గా మందు తాగుతామ‌నుకునే స‌రికి హిమ గుర్తుకొస్తుంది కార్తీక్‌కి. ''నో నేను తాగ‌ను.. ఆ దీప ఈ కార‌ణంగా కూడా హిమ‌ని నాకు దూరం చెయ్యొచ్చు. నా హిమ‌ని నేను బాధ పెట్ట‌ను' అనుకుంటూ ఆర్డ‌ర్ క్యాన్సిల్ చేసి ఇంటికి బ‌య‌లుదేర‌తాడు కార్తీక్‌. సౌంద‌ర్య కార్తీక్ కోసం ఎదురు చూస్తూ ఉంటుంది. ''నిజంగానే ఇంటికి రాడా? అస‌లు దాన్ని(దీప‌ని) రావ‌ద్దు అన‌లేను.. వీడిని రామ్మ‌ని అడ‌గ‌లేను..'' అంటూ భ‌ర్త ఆనంద‌రావుతో త‌న బాధ చెప్పుకుంటూ ఉంటుంది. ఇంత‌లో పైనుంచి హిమా-కార్తీక్‌ల న‌వ్వులు వినిపిస్తాయి. ''వాడి మాట‌ల్లానే ఉన్నాయ్.. ఎప్పుడొచ్చాడండీ?'' అంటూ షాక్ అవుతుంది సౌంద‌ర్య‌. ''ప‌ద పైకి వెళ్లి చూద్దాం'' అంటాడు ఆనంద‌రావు. ఇద్ద‌రూ క‌లిసి పైకి వెళ్లేస‌రికి హిమా-కార్తీక్‌లు ఆడుకుంటూ న‌వ్వుకుంటూ ఉంటారు.