కోల్‌కతా : ప్రపంచ కప్ సెమీ ఫైనల్ మ్యాచ్ లో ఎంఎస్ ధోని అవుట్ అవడం చూసిన అతని అభిమాని తట్టుకోలేక కుప్పకూలి మరణించిన విషాద ఘటన పశ్చిమబెంగాల్ రాష్ట్రంలోని కోల్‌కతా నగరంలో వెలుగుచూసింది. కోల్‌కతా నగరానికి చెందిన శ్రీకాంత్ (33) సైకిల్ షాపు యజమాని. శ్రీకాంత్ ధోనీ అభిమాని. బుధవారం న్యూజీలాండ్ జట్టుతో జరిగిన క్రికెట్ మ్యాచ్‌లో ఎంఎస్ ధోనీ అవుట్ అయ్యాడు. అంతే తన ఫోన్‌లో క్రికెట్ మ్యాచ్ చూస్తున్న శ్రీకాంత్ బాధతో అరుస్తూ సృహ తప్పి పడిపోయాడు. ఇరుగుపొరుగు వారు వెంటనే శ్రీకాంత్ ను ఖానుకుల్ ఆసుపత్రికి తరలించారు. అతన్ని పరిశీలించిన వైద్యులు అప్పటికి శ్రీకాంత్ మరణించాడని ప్రకటించారు. ధోనీ అవుట్ అయ్యాడని తట్టుకోలేక అభిమాని శ్రీకాంత్ గుండెపోటుతో మరణించి ఉంటాడని వైద్యులు చెప్పారు.
No comments:
Post a Comment